Андижон вилоятининг Марҳамат, Қашқадарё туманининг Косон ва Нишон туманларида валюта қимматликлари савдоси билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Марҳамат туманида фуқаро А.Ю. 3 минг долларни 39 млн сўмга сотган вақтида ушланиб, ундан жами 5 410 доллар, 51 600 рубли, 13 450 Қирғиз соми ва 16,4 млн сўм пуллар ашёвий далил сифатида олинган.
Шунингдек, Косон туманида фуқаро П.М. 3 300 долларни 42,7 млн сўмга сотиб олган вақтида ушланиб, ундан жами 2 800 доллар ва 93,3 млн сўм пуллар ашёвий далил сифатида олинган.
Шу билан бирга, Нишон туманида фуқаро Д.К. ва бошқалар фуқаро Б.Т.га 3 400 долларни 44,2 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Қўлга олинаётган “валютчик”лар
Аввалроқ Бухоро, Хоразм ва Тошкент вилоятларида валюта қимматликлари савдоси билан шуғулланиб келган шахслар ушланган эди. Шунингдек, Андижон вилоятининг Балиқчи ҳамда Олтинкўл, Бухоро вилоятининг Пешку туманида валюта қимматликлари савдоси билан шуғулланиб келган шахслар ушланган.
Шу билан бирга, Самарқанд вилоятининг Иштихон ҳамда Оқдарё туманларида валюта қимматликларини ноқонуний муомалага киритилишининг олди олинган.
Бундан ташқари, Самарқанд вилоятининг икки тумани, шунингдек, Хоразм вилоятининг Янгибозор туманида валюта айирбошлаш билан шуғулланиб келган шахслар ушланган.
Изоҳ (0)