Фарғона вилояти ва Тошкент шаҳрида валюта қимматликлари савдоси билан шуғулланиб келган шахслар ушланди. Бу ҳақда Прокуратура департаменти хабар берди.
Унга кўра, Бош прокуратура ҳузуридаги департаментнинг Мирзо Улуғбек туман бўлими, ДХХ ва ИИБ ходимлари ҳамкорлигида тезкор тадбир ўтказилган. Унда валюта айирбошлаш билан шуғулланиб келган М.Э. фуқаро У.Ю.га жами 5 300 АҚШ долларини 67 миллион сўмга сотган вақтида ашёвий далиллар билан ушланган.
Шу каби, департаментнинг Қўштепа туман бўлими ва ИИБ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган М.Э. жами 3 150 АҚШ долларини 40 миллион сўмга сотган вақтида ушланиб, тадбир якунида 3 200 АҚШ доллари ашёвий далил сифатида олинган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Навоий ва Андижон вилоятларида ноқонуний валюта қимматликлари савдоси билан шуғулланиб келган шахслар ушланган эди.
Изоҳ (0)