Бухоро, Хоразм ва Тошкент вилоятларида валюта қимматликлари савдоси билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Бухоро шаҳрида фуқаролар Ж.С. фуқаро А.Ж.дан 4 200 долларни 53,6 млн сўмга сотиб олган вақтида, фуқаро Ш.А. фуқаро З.Б.дан 3 700 долларни 47,4 млн сўмга сотиб олган вақтида ашёвий далиллар билан ушланган.
Шунингдек, Урганч шаҳрида фуқаролар I.Б. фуқаро М.Х.дан 4 минг долларни 50,9 млн сўмга сотиб олган вақтида, фуқаро Х.К. эса фуқаро М.Ш.дан 4 минг долларни 50 млн сўмга сотиб олишга келишиб, шундан 15 млн сўмини банк пластик картасига ўтказган вақтида ашёвий далиллар билан ушланган.
Бундан ташқари, Қуйичирчиқ туманида фуқаро М.М. фуқаро У.Б.га 3 500 долларни 45 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)