Бухоро вилоятининг Жондор ва Хоразм вилоятининг Хива шаҳрида ноқонуний валюта айирбошлаган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Жондор туманида фуқаро А.К. фуқаро М.С.дан 4 минг долларни 52 млн сўмга сотиб олган вақтида ушланган.
Шунингдек, Хива шаҳрида фуқаро Қ.Ж. фуқаро М.Х.дан 3,3 минг долларни 42,2 млн сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) жиноят ишлари қўзғатилиб, тергов ҳаракатлари ўтказилмоқда.
Қўлга олинаётган “валютчик”лар
Аввалроқ Бухоро, Хоразм ва Тошкент вилоятларида валюта қимматликлари савдоси билан шуғулланиб келган шахслар ушланган эди. Шунингдек, Андижон вилоятининг Балиқчи ҳамда Олтинкўл, Бухоро вилоятининг Пешку туманида валюта қимматликлари савдоси билан шуғулланиб келган шахслар ушланган.
Шу билан бирга, Самарқанд вилоятининг Иштихон ҳамда Оқдарё туманларида валюта қимматликларини ноқонуний муомалага киритилишининг олди олинган.
Бундан ташқари, Самарқанд вилоятининг икки тумани, шунингдек, Хоразм вилоятининг Янгибозор туманида валюта айирбошлаш билан шуғулланиб келган шахслар ушланган.
Изоҳ (0)