Самарқанд вилоятининг Иштихон ҳамда Оқдарё туманларида валюта қимматликларини ноқонуний муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Иштихон туманида фуқаролар Б.У. ва Д.Т. фуқаро Қ.Ю.га жами 3 200 долларни 41,7 млн сўмга сотган вақтида ушланган. Улардан жами 4 637 доллар ва 2 000 рубль ашёвий далил сифатида олинган.
Шунингдек, Оқдарё туманидаги “Мустақиллик” МФЙ ҳудудида фуқаро Д.Р. фуқаро М.М.дан жами 3 300 долларни 41,9 млн сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)