Тошкент шаҳрининг Яшнобод ва Сирдарё вилоятининг Янгиер шаҳрида ноқонуний валюта айирбошлаш билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Яшнобод туманида валюта айирбошлаш билан шуғулланиб келган фуқаро А.С. фуқаро Ж.Х.га 10 170 долларни 129,6 млн сўмга сотган вақтида ашёвий далиллар билан ушланган.
Шунингдек, Янгиер шаҳрида валюта айирбошлаш билан шуғулланиб келган фуқаро М.Д. фуқаро Х.А.га 3 200 долларни 40,9 млн сўмга сотган вақтида ушланиб, унинг ёнидан 6 350 доллар, 42 300 рубль, 40 Тожикистон сомонийси ва 8,6 млн сўм пуллар ашёвий далил сифатида олинган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Навоий ва Андижонда “валютчиклар” ушлангани ҳақида хабар берилганди.
Изоҳ (0)