Бухоро шаҳри ва Фарғона вилоятининг Косонсой туманида валюта айирбошлаш билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Бухоро шаҳрида ўтказилган тезкор тадбирда валюта айирбошлаш билан шуғулланиб келган У.Х. фуқаро М.Ҳ.дан жами 5 минг долларни 62,7 млн сўмга сотиб олган вақтида ашёвий далиллар билан ушланган.
Шу каби, департаментнинг Косонсой туман бўлими ва ИИБ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган фуқаролар Ж.У. ва Ш.Х. фуқаро Ф.Т.га жами 3 200 долларни 40,5 млн сўмга сотган вақтларида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (2)
Косонсой тумани Фарғона вилоятида эканини энди эшитдим.
Фарғона вилоятида Косонсой тумани йўқ