Тошкент шаҳрининг Миробод тумани, Қарши ва Навоий шаҳарларида валюта қимматликлари савдоси билан шуғулланиб келган шахслар ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Миробод туманида фуқаро Р.Д. фуқаро З.Қ.га жами 5 минг долларни 64,9 млн сўмга сотган вақтида ушланган.
Шунингдек, Қарши шаҳарида фуқаро Э.У. фуқаро Н.Ҳ.га жами 3,5 минг долларни 45,2 млн сўмга сотган вақтида ушланди. Тезкор тадбир жараёнидан 300 доллар, 250 евро, 135,1 минг рубль ва 57 млн сўм пуллар ашёвий далил сифатида олинган.
Бундан ташқари, Навоий шаҳрининг “Янгиҳаёт” МФЙда фуқаро Р.Ж. фуқаро Б.Н.га жами 3,5 минг долларни 45,5 млн сўмга сотган вақтида ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Қўлга олинаётган “валютчик”лар
Аввалроқ Бухоро, Хоразм ва Тошкент вилоятларида валюта қимматликлари савдоси билан шуғулланиб келган шахслар ушланган эди. Шунингдек, Андижон вилоятининг Балиқчи ҳамда Олтинкўл, Бухоро вилоятининг Пешку туманида валюта қимматликлари савдоси билан шуғулланиб келган шахслар ушланган.
Шу билан бирга, Самарқанд вилоятининг Иштихон ҳамда Оқдарё туманларида валюта қимматликларини ноқонуний муомалага киритилишининг олди олинган.
Бундан ташқари, Самарқанд вилоятининг икки тумани, шунингдек, Хоразм вилоятининг Янгибозор туманида валюта айирбошлаш билан шуғулланиб келган шахслар ушланган.
Изоҳ (0)