Режиссёр Жеймс Кемерон Empire нашрига берган интервьюсида унинг рафиқаси, актриса Сюзи Эмис “Аватар: олов ва кул” фильмини томоша қилгандан сўнг, бир неча соат давомида йиғидан ўзини тўхтата олмагани ҳақида сўзлаб берди.
Кемерон 2024 йил охирида рафиқасига фильмнинг тайёр бўлган нусхасини рафиқасига кўрсатишга қарор қилган.
“У тўрт соат давомида ҳиссиётларини жиловлай олмади. Йиғи орасида Сюзи менга бирор нарса айтишга уринди, аммо ўзини йўқотиб қўйиб, яна йиғлашда давом этди” дея сўзлаб берди режиссёр.
Сўнг “азизим, дам олишимиз керак, бу мавзуда бошқа вақт айтамиз, дея уни ҳоли қолдирдим”, дея бўлишди Кемерон. Аммо аёлини айнан нима бунчалик таъсирлантирганига ҳеч қандай изоҳ бермади. Унинг сўзларига кўра, “Титаник”, “Аватар” ва “Аватар 2” ни суратга олиш ишларида рафиқаси унга кўп ғояларни айтиб турган.
“Сюзи менга кўплаб суратга олиш ишларида ёрдам берган, шу сабабли мен унинг юрагига ишонаман”.
Аввалроқ Жеймс Кемерон “Аватар: Олов ва кул”нинг франшизадаги энг узун фильмга айланишини эълон қилган эди. Таққослаш учун: иккинчи қисм 3 соат 12 дақиқа давом этган, аммо режиссёрнинг фикрича, бу вақт бош қаҳрамонлар характерини тўлиқ очиб бериш учун етарли бўлмаган.
Мавзуга доир: “Аватар: Олов ва кул” фильми франшизадаги энг узоқ давом этадиган фильм бўлади.
Изоҳ (0)