Самарқанд шаҳрида 24-25 май кунлари Элита спортчилари иштирок этадиган триатлон ва паратриатлон бўйича Жаҳон кубоги турнири бўлиб ўтади.
Самарқанд йигирмадан ортиқ давлатдан келган иштирокчиларни қабул қилади ва спортчилар совринли ўринлар учун кураш олиб боради. Мусобақа ғолиблари кейинги Олимпия ўйинларига йўлланма олиш учун рейтинг очколарини қўлга киритишда катта устунликка эга бўлади.
Триатлон бўйича Жаҳон кубоги доирасида спортчилар стандарт масофада беллашади:
- Сузиш - 1,5 км, велосипед босқичи - 40 км ва югуриш босқичи - 10 км.
Триатлон бўйича Жаҳон Пара Кубогида турли тоифадаги пара-спортчилар иштирок этади: жисмоний имконияти чекланган спортчилар (ПЦ2-3-4-5), ногиронлар аравачасидаги спортчилар (ПТWC) ва кўриш қобилияти заиф спортчилар ўзларининг гидлари (ПTVI) билан Супер Sprint масофасида:
- Сузиш - 750 м, велосипед босқичи - 19 км ва югуриш босқичи - 5 км.
Шунингдек, 23-24 август кунлари Самарқандда триатлон бўйича ноёб ҳаваскорлар пойгаси – Чалленге Самарканд бўлиб ўтади. Мусобақа Самарқанд шаҳридаги «Ипак йўли» туризм мажмуасида бўлиб ўтади.
Чалленге Самарканд нафақат бутун дунёдан кўплаб спортчиларни, балки триатлон афсоналари, йирик халқаро мусобақалар ва Олимпия ўйинлари иштирокчиларини ҳам ўзига жалб қилади. Спортчилар учун қуйидаги масофалар мавжуд:
- Ўрта масофа - 1,9 км сузиш, 90 км велосипед, 21,1 км югуриш
- Sprint масофаси - 0,75 км сузиш, 19 км велосипед, 5 км югуриш
- Аёллар югуриш - 5 км
- Болалар югуриш - 200, 400, 600, 800, 1000 м югуриш
Изоҳ (0)