ДХХ раисидан бош вазир ўринбосарларигача. Спорт ташкилотларига ҳам раҳбарлик қилаётган ўзбек амалдорлари
Эслатма: Ушбу материал биринчи марта 2021 йил 20 август куни чоп этилган ва эътиборга молик материаллардан бири сифатида такроран эълон қилинмоқда
Президент Администрацияси ҳузуридаги Ахборот ва оммавий коммуникациялар агентлиги директори Асаджон Хўжаев 17 август куни Ўзбекистон Кикбоксинг ассосиацияси президенти этиб сайланди. Хўжаев эндиликда ҳар икки ташкилотдаги ишини параллел равишда давом эттиради. Қайд этиш ўринли, бу давлат амалдорларининг спорт федерациялари раҳбарлигига сайланган/тайинланган илк ҳолат эмас. Айни дамда аксарият федерацияларни ҳукумат вакиллари бошқармоқда.
«Дарё» спорт федерацияларига раҳбарлик қилаётган ўзбек амалдорларини бир саҳифага жамлади.
Бош вазирнинг биринчи ўринбосари Очилбой Раматов 2012 йилдан Ўзбекистон Бокс федерацияси президенти ҳисобланади. Фото: «Дарё» / Мадина Нурман
Олий Мажлис Сенати раиси Танзила Норбоева 2011 йилдан Ўзбекистон велоспорт федерациясига раҳбарлик қилади. Фото: «Дарё» / Мадина Нурман
Давлат хавфсизлик хизмати раиси Абдусалом Азизов 2019 йилдан Ўзбекистон футбол ассосиацияси президенти сифатида фаолият юритади. Фото: «Дарё» / Мадина Нурман
Мудофаа вазири Баҳодир Қурбонов 2020 йилдан MMA ассоциациясига раҳбарлик қилади. Фото: «Дарё» / Мадина Нурман
Ўзбекистон Президенти ҳузуридаги Хавфсизлик кенгаши котиби Виктор Маҳмудов 2020 йилдан Триатлон федерациясига раислик қилади. Бунгача Триатлон федерацияси ва MMA ассоциациясига Отабек Умаров раҳбарлик қилган. Фото: «Дарё» / Мадина Нурман
Қурилиш вазири Ботир Зокиров 2012 йилдан Ўзбекистон Оғир атлетика федерацияси президенти ҳисобланади. Фото: «Дарё» / Мадина Нурман
Тошкент шаҳар ҳокими Жаҳонгир Ортиқхўжаев 2020 йилдан Ўзбекистон Ёга федерациясининг раиси сифатида иш бошлаган. Фото: «Дарё» / Мадина Нурман
АОКА директори Асаджон Хўжаев 2021 йилда Ўзбекистон Кикбоксинг ассосиацияси президенти этиб сайланган. Фото: «Дарё» / Мадина Нурман
Миллий Олимпия қўмитаси раиси Рустам Шоабдураҳмонов 2017 йилдан Ўзбекистон Қиличбозлик федерацияси раиси ҳисобланади. Фото: МОҚ матбуот хизмати
Туризм ва спорт вазири, бош вазир ўринбосари Азиз Абдуҳакимов 2021 йилдан Шахмат федерацияси раиси сифатида иш юритади. Шунингдек, у Бадминтон федерациясига ҳам раҳбарлик қилади. Фото: «Дарё» / Мадина Нурман
Бош прокурор Ниғматилла Йўлдошев 2019 йилда Ўзбекистон Кураш федерацияси раиси этиб сайланган. Фото: «Дарё» / Мадина Нурман
Олий Мажлис Сенати раисининг биринчи ўринбосари Содиқ Сафоев 2017 йилдан Ўзбекистон Регби федерацияси президенти сифатида иш бошлаган. Фото: «Дарё» / Мадина Нурман
Навоий КМК директори Қувондиқ Саноқулов 2017 йилда Ўзбекистон Сузиш федерацияси раиси этиб сайланган. Фото: «Дарё» / Мадина Нурман
Энергетика вазири Алишер Султонов 2020 йилдан Ўзбекистон Байдарка ва каноэда эшкак эшиш федерацияси раиси ҳисобланади. Фото: «Дарё»/ Мадина Нурман
Адлия вазири Руслан Давлетов 2018 йилдан Ўзбекистон Баскетбол федерацияси президенти ҳисобланади. Фото: «Дарё» / Мадина Нурман
Маданият вазирининг биринчи ўринбосари Баҳодир Аҳмедов 2021 йилда Ўзбекистон чим устида хоккей федерацияси раиси этиб сайланган. Фото: «Оламспорт»
Ўзбекистон Миллий банки раиси Алишер Мирсоатов 2020 йилда Ўзбекистон Теннис федерацияси раиси этиб сайланган. Фото: МОҚ матбуот хизмати
Инновацион ривожланиш вазири ўринбосари Ойбек Норинбоев 2019 йилдан Ўзбекистон Ўқ отиш спорти федерацияси раиси ҳисобланади. Фото: МОҚ матбуот хизмати
Қарши давлат университети ректори (собиқ Жисмоний тарбия ва спорт вазири) Дилмурод Набиев 2019 йилдан Волейбол федерацияси президенти сифатида фаолият юритади. Фото: МОҚ матбуот хизмати
Спорт ташкилотлари раҳбарлари ҳақидаги барча маълумотлар Миллий Олимпия қўмитаси сайтидан (19.08.2021 ҳолати бўйича) олинди.
Изоҳ (0)