Шаҳноза Мирзиёевадан Танзила Норбоевагача. Cosmopolitan рейтингида лидер аёлларнинг 20 фоизини ўзбекистонликлар ташкил қилди

Ўтган ҳафтада Cosmopolitan Russia МДҲнинг 30 нафар етакчи аёллари рейтингни эълон қилди. 

Ҳамдўстлик мамлакатлари аёлларининг энг нуфузли 30 вакили қаторига бирданига олти нафар ўзбекистонлик киритилган.

«Кўз ўнгимизда тарих яратаётган аёллар» номли лойиҳа устида МДҲнинг турли давлатларидан мустақил журналистлар жамоаси ишлашган. Айнан улар қуйидаги олтита тоифага бўлинган 30 та нуфузли аёлларнинг қисқа рўйхатини тузишган. 

• ҳукумат аъзолари; 
• молия; 
• фан ва соғлиқни сақлаш; 
• жамият; 
• спорт ва маданият; 
• медиа. 

• Шаҳноза Мирзиёева – Ўзбекистон Республикаси Мактабгача таълим вазирлиги бошқармаси бошлиғи, алоҳида эҳтиёжли болалар учун ихтисослаштирилган реабилитация таълим муассасалари лойиҳаси ташаббускори;

• Танзила Норбоева – Ўзбекистон Республикаси Олий Мажлиси Сенати раиси.

• Жамила Пўлатова – Ўзбекистон онкологлар уюшмаси бош котиби, Жамила Пўлатова номидаги онкология мактаби асосчиси ва раҳбари;

• Шаҳло Турдиқулова – Ўзбекистон Республикаси инновацион ривожланиш вазири ўринбосари, Илғор технологиялар маркази директори.

• Гаянэ Умерова – Маданият ва санъатни ривожлантириш жамғармасининг ижрочи директори;

• Алина Ҳакимова – ҳарбийлар орасида триатлон бўйича жаҳон чемпиони.