Реал ҳаётда экрандагидан кўра кўпроқ ҳурматга сазовор эканини исботлайдиган жаҳон юлдузлари (фото)

Туғруқдан олти ой ўтгач, машаққатли спорт мусобақаларида қатнашиш, жиноятчиларни ушлаш, болаликдаги орзуларни рўёбга чиқариш ва асалариларни йўқ бўлиб кетишдан қутқариш — бу биз билган севимли юлдузлар амалга оширган ишларнинг бир нечтаси холос.

AdMe нашри жаҳонга машҳур кишилар ҳақидаги янги фактларни ўрганишни яхши кўради ва бу сафар экрандагига қараганда анча жасоратли қаҳрамонлар кетма-кетлигини тақдим этди.

Адел концерти олдидан 12 ёшли бемор мухлисини бориб кўрган

12 ёшли Ребекка қўшиқчининг концертларига бориш учун жуда заиф эди ва онаси ташриф буюришни илтимос қилиб, Аделга хат ёзишга қарор қилди. Аделнинг менежери Ребекканинг онасининг хатларига жавоб берган бўлса-да, қўшиқчининг ўзи бу хабарни кўрмагунча ҳеч нарса ўзгармас эди. Кечиктирмасдан, у концерти олдидан Ребекканикига ташриф буюрди ва шу тариқа бемор қизнинг орзусини амалга оширди.

Шерон Стоун университетга қайтган ва 58 ёшида илмий даражага эришди 

43 ёшида актриса инсультни бошдан кечирди, лекин дастлаб бунга ишонишмади, уни шунчаки рол ўйнаяпти, деб тахмин қилишди ва ҳатто уни уйига қайтаришни хоҳлашди. Фақат мия ўрганилгач, ҳамма нарса қанчалик жиддий эканини кўрсатди. 3 йил давомида Шерон ҳатто исмини ҳам ёза олмади, эшитиш ва кўришда муаммоларга учради. Эри ажрашиш учун ариза берди ва ўғлини ўзи билан олиб кетди. Аммо Шеронга ўзини қайта тиклаш қийин бўлди: у гапириш, ўқиш ва ёзишни қайта ўрганди, ўғлининг васийлигини қайтариб олди ва 58 ёшида университет дипломини олди.

Женнифер Лопес туғруқ жараёнидан 6 ой ўтгач, триатлон бўйича мусобақада қатнашади

2008 йилда хонанда 800 метрга сузиш, қарийб 29 километрга велоспорт ва 6,4 километрга югуриш мусобақаларида қатнашиб, у учун ҳеч нарса мумкин эмаслигини исботлади. Худди шу мусобақада Метю Макконаҳи ҳам иштирок этган. Лопес мураббий билан триатлон бўйича машғулотлар унга туғруқдан кейин ўз қоматини тартибга солишга ёрдам беради, деб умид қилди. Триатлон кутилмаган ҳодисалардан холи бўлмади: Женнифер сузишдан сўнг сувдан чиққанида, масофани давом эттириш учун зарур бўлган баъзи нарсалари ғойиб бўлгани маълум бўлди. Бошқа иштирокчилар унга футболка ва кроссовка беришди ва хонанда триатлонни 2 соат-у 23 дақиқада якунлашга муваффақ бўлди.

Роуэн Аткинсон дудуқланишни енгган

Таниқли режиссёрларни қизиқтириш ва актёрлик соҳасида муваффақиятга эришиш, ажойиб ташқи кўринишга эга бўлмасдан, бу ҳам етмаганидек қўшимча равишда дудуқланса, янада қийин. Аммо Роуэн Аткинсон уддалади. Нутқидаги нуқсонига қарамай, у актёрлик чўққисига чиқишига уринганида, характер жиҳатидан ўзидан фарқ қиладиган қаҳрамон ролига кўникиб қолган заҳоти дудуқланишни тўхтатганини бирдан пайқади.

Актёр рол олиш умидида киностудиялар остонасини тақиллатиш ўрнига, ўзининг «Жаноб Бин» сериалини ўйлаб топди, у ерда бош қаҳрамон – ўзини боладек тутадиган одамни ижро этди. Ушбу ситком «Олтин атиргул»ни олди ва дунёнинг 245 мамлакатида сотилди. Аткинсоннинг ўзи санъатдаги хизматлари учун рицарлик ордени олди.

Селена Гомес 12 марта Гиннес рекордини ўрнатган

Селена Гомес 3 йил ичида 12 марта рекорд ўрнатишга муваффақ бўлди. 2017 йилда қўшиқчи 11,1 миллион обуначи билан TikTok’да энг кўп кузатилган аёл бўлиш бўйича рекорд ўрнатди. Бундан ташқари, у энг машҳур актрисалардан бири ва Kids’ Choice Awards мукофотини қўлга киритганидан кейин икки марта рекорд ўрнатди.

Том Харди мопед ўғрисини ушлаган

Гувоҳларнинг сўзларига кўра, Том Харди мопедни ўғирлаган жиноятчининг ортидан қувиб, унга етиб олган ва уни бўйнидан ушлаб, ҳибсга олганида ҳақиқий суперқаҳрамонга ўхшарди. Актёрнинг сўзларига кўра, у буни йигит жазоланиши ва келажакда яхшиланиши учун қилган.

Эминем— дунёдаги энг яхши оталардан бири

Лосе Ёуселф қўшиғи Эминемга «Оскар» олиб келди, аммо у тақдирлаш маросимида қатнашмади. Бунинг ўрнига у қизини ухлатди, чунки қиз эртаси куни мактабга эрта туриши керак эди. Машҳур рэперни чинакам намунали дада деб ҳисоблаш мумкин, чунки Эминем уйда ҳеч қачон одобсиз ибораларни ишлатмаган ва қизи Хейлидан ташқари, авваллари оғир шароитда ўсган яна 2 қизни ўзиникидек тарбиялаган.

Морган Фриман 65 ёшида учувчилик гувоҳномасини олди

Морган Фриман ёшлигидан учишни орзу қилган ва ёшлигида драматик  саънат стипендиясини авиацияда ишлаш учун рад этган ва бунинг натижасида у 1-даражали учувчи даражасига кўтарилган. Шундан сўнг Фриман кино соҳасида карьерасини қуришни бошлади ва 65 ёшида у яна учувчилик сабоқларини ўрганиб, лицензия олди.

Леди Гага қанча кўп мукофотларни қўлга киритса, улардан тушган пулларнинг ҳаммасини эҳсон қилади

2010 йилда Леди Гага шоудан топган барча пулларини Гаитидаги табиий офатлардан жабрланган одамларга беришга қарор қилди. Натижада бу сумма 500 минг доллардан ошди. Бироқ машҳур юлдуз нафақат меҳрибонлиги ва саховатлилиги, балки истеъдоди кўлами билан ҳам ҳайратга солади: «Юлдуз туғилди» (2018) фильми учун у бир йил ичида «Оскар» «Гремми», «Олтин глобус» ва BAFTA каби барча мукофотларни олган биринчи аёл бўлди.

Анжелина Жоли асалариларнинг йўқ бўлиб кетмаслиги учун курашади

2021 йилда Анжелина Жоли одамларнинг эътиборини уларнинг йўқ бўлиб кетиши муаммосига қаратиш ва 50 нафар асаларичи аёлни қўриқхоналарда ишга жойлаштиришга ёрдам бериш учун танасини асалари билан қоплаган. Ушбу фотосессиядан 3 кун олдин, актрисага душ қабул қилиш тақиқланган, чунки унинг терисидаги ҳар қандай бегона ҳид, шу жумладан шампунь ҳиди ҳашаротларни ўзидан узоқлаштириши мумкин. Расмга тушириш вақтида юлдузнинг танаси асалариларни ўзига жалб қилиши ва шу билан бирга уларнинг тўпланишига йўл қўймаслиги учун феромон билан қопланган. Суратга олиш 18 дақиқа давом этди ва хайриятки, ҳеч қандай муаммо бўлмади.