Samarqand shahrida 24-25-may kunlari Elita sportchilari ishtirok etadigan triatlon va paratriatlon bo‘yicha Jahon kubogi turniri bo‘lib o‘tadi.
Samarqand yigirmadan ortiq davlatdan kelgan ishtirokchilarni qabul qiladi va sportchilar sovrinli o‘rinlar uchun kurash olib boradi. Musobaqa g‘oliblari keyingi Olimpiya o‘yinlariga yo‘llanma olish uchun reyting ochkolarini qo‘lga kiritishda katta ustunlikka ega bo‘ladi.
Triatlon bo‘yicha Jahon kubogi doirasida sportchilar standart masofada bellashadi:
- Suzish - 1,5 km, velosiped bosqichi - 40 km va yugurish bosqichi - 10 km.
Triatlon bo‘yicha Jahon Para Kubogida turli toifadagi para-sportchilar ishtirok etadi: jismoniy imkoniyati cheklangan sportchilar (PTS2-3-4-5), nogironlar aravachasidagi sportchilar (PTWC) va ko‘rish qobiliyati zaif sportchilar o‘zlarining gidlari (PTVI) bilan Super Sprint masofasida:
- Suzish - 750 m, velosiped bosqichi - 19 km va yugurish bosqichi - 5 km.
Shuningdek, 23-24 avgust kunlari Samarqandda triatlon bo‘yicha noyob havaskorlar poygasi – Challenge Samarkand bo‘lib o‘tadi. Musobaqa Samarqand shahridagi «Ipak yo‘li» turizm majmuasida bo‘lib o‘tadi.
Challenge Samarkand nafaqat butun dunyodan ko‘plab sportchilarni, balki triatlon afsonalari, yirik xalqaro musobaqalar va Olimpiya o‘yinlari ishtirokchilarini ham o‘ziga jalb qiladi. Sportchilar uchun quyidagi masofalar mavjud:
- O‘rta masofa - 1,9 km suzish, 90 km velosiped, 21,1 km yugurish
- Sprint masofasi - 0,75 km suzish, 19 km velosiped, 5 km yugurish
- Ayollar yugurish - 5 km
- Bolalar yugurish - 200, 400, 600, 800, 1000 m yugurish
Izoh (0)