Самарқанд шаҳрида 2023 йилнинг 16 ва 17 сентябрь кунлари «Challenge Самарканд» спорт фестивали бўлиб ўтади.
Ушбу фестивалга бағишлаб, «Миллий матбуот уйида» матбуот анжумани бўлиб ўтди.
«Challenge Самарканд» – «Challenge Family» халқаро бренди таркибига кирувчи триатлон пойгаси ҳисобланади.
«Challenge Family» дунёнинг 30 та давлатида триатлон бўйича турли масофага ўтказиладиган мусобақаларнинг жаҳондаги энг машҳур брендларидан бири. Умуман олганда, «Challenge Family» пойгаларида ҳар йили 50 000 дан ортиқ иштирокчи қатнашади.
Бу «Challenge Family» бренди остида Марказий Осиёдаги биринчи ва ягона триатлон пойгасидир. Бу шунчаки пойга эмас, бу энг юқори даражадаги халқаро фестиваль, унда ҳамма иштирок этиши мумкин. Профессионал триатлончилар, бошланғич триатлончилар, аёллар, болалар, ҳар қандай даражадаги тайёргарликка эга бўлган ҳар бир киши спорт байрами муҳитига кириши мумкин.
Изоҳ (0)