Мадриднинг “Реал” клуби марказий ҳимояни кучайтириш мақсадида “Лейпциг” футболчиси Кастелло Люкебага қизиқиш билдирмоқда. Бу ҳақида Fichajes нашри хабар бермоқда.
Манбага кўра, “қироллик клуби” 22 ёшли француз футболчиси учун дастлабки таклиф билан чиқди ҳамда Кастелло учун немис клубига 65 миллион евро тўлашга тайёр эканлигини билдирган. “Реал” бу трансфер учун Европанинг бошқа номдор клублари билан кураш олиб боришига тўғри келади, чунки Люкебага “Манчестер Юнайтед”, “Ливерпуль” ва “Бавария” ҳам қизиқиш билдирмоқда.
Transfermarkt портали футболчининг нархини 50 миллион евро деб баҳоламоқда, аммо унинг шартномасида 90 миллион евролик товон пули кўрсатилган.
Маълумот учун, Люкеба жорий мавсум “Лейпциг” сафида 22 та учрашувда майдонга тушган.
Изоҳ (0)