Жорий йилнинг баҳорида Uzbekistan Airways Тошкент ва Мадрид ўртасида тўғридан тўғри авиақатновларни амалга оширишни бошлайди. Парвозлар ҳар ҳафта – душанба кунлари амалга оширилади. Сиз учун авиачипталар нархи ва парвозлар жадвали ҳақида маълумот тайёрладик.
Мадрид – Испаниянинг юраги, доимо ҳаёт қайнайдиган шаҳар. Бир вақтлар у коррида (буқалар жанги) ва ҳашаматли саройлар билан машҳур бўлган бўлса, бугунги кунда санъат ихлосмандлари, футбол мухлислари, таом шинавандалари ва харид қилишни яхши кўрадиганларни ўзига жалб қилади.
Қуёшли мегаполис жаҳон санъати дурдоналари намойиш этилган Қироллик саройи ва машҳур Prado музейи каби ажойиб меъморий ёдгорликлари билан машҳур. Сарой ёнида Дон Кихотнинг саргузаштлари ҳақидаги афсонавий китоб муаллифи, машҳур испан ёзувчиси Мигел де Сервантес ҳайкали жойлашган.
Футбол мухлислари Мадриднинг “Реал” клубининг уй учрашувлари ўтказиладиган – афсонавий “Сантяго Бернабеу” майдонига ташриф буюриш имкониятини, шубҳасиз, юқори баҳолашади. Табиатни ва сайр қилишни қадрлайдиганлар учун эса Буэн-Ретиро боғи шаҳар марказида дам олиш учун энг яхши масканлардан бири ҳисобланади.
Uzbekistan Airways Тошкент – Мадрид – Тошкент йўналиши бўйича янги тўғридан тўғри авиақатновлар йўлга қўйилганини мамнуният билан эълон қилади! Парвозлар 7 апрелдан душанба кунлари қуйидаги жадвалга мувофиқ Boeing 787 Dreamliner ҳаво кемаларида амалга оширилади:
- Тошкентдан жўнаб кетиш соат 12:00, Тошкент вақти билан
- Мадридга етиб бориш соат 17:05, Мадрид вақти билан;
- Мадриддан жўнаб кетиш соат 18:35, Мадрид вақти билан;
- Тошкентга етиб келиш эртаси куни соат 04:40, Тошкент вақти билан.
Бир томонлама авиачипталар нархи 4 607 000 сўмдан, Тошкент – Мадрид – Тошкент йўналиши бўйича эса 8 220 000 сўмдан бошланади.
Испанияга саёҳат қилиш орзуси фақат орзу бўлиб қолишига йўл қўйманг! Авиачипталарни booking.uzairways.com сайти, Uzbekistan Airways иловаси, Uzbekistan Airways Sales филиали ва авиакомпания агентларидан харид қилинг.
Реклама ҳуқуқи асосида.
Изоҳ (0)