“Манчестер Сити” бош мураббийи Хосеп Гвардиола Чемпионлар лигаси доирасида “Реал Мадрид”га қарши ўйиндан аввал фикрларини билдирди.
Гвардиола жамоасини қанчалик қийин ўйин кутаётганини таъкидлади.
“ъРеалъ Ла Лигада 1-ўринда ҳамда ”Атлетико Мадрид“ ва ”Барсселона“ билан кураш олиб бормоқда. Уларни мағлуб этиш учун иккита яхши ўйин ўтказишимиз керак бўлади. Ҳа, бизга қуръа қийин келди. Аммо 24 жамоа ичида 22-ўринни эгаллаганингизда, тақдирдан илтифот кутиш қийин.
Жавоб ўйинини уйда, мухлисларинг кўз олдида ўтказиш ҳар доим ёқимли, бироқ биз бунга лойиқ бўлолмадик. Албатта, биз аввалгидек барқарор ҳолатда эмасмиз. Лекин йиллар давомида жуда яхши тўп тепган футболчиларимга ишонаман”, – дейди испаниялик мутахассис.
Гвардиола Мадрид клуби ҳужум чизиғида ажойиб футболчилар йиғилганини айтди.
“Улар турлича – қисқа ва узун паслар билан ҳужумга ўтади. Биз ўз ўйинимиз ҳақида ўйлашимиз керак. Агар биз ғалаба қозонсак, бу мавсумнинг қолган қисми учун катта туртки бўлиб хизмат қилади. Мен қандай ўйнашимиз кераклигини биламан... Биламан, йигитлар ҳам эртанги ўйинни интиқлик билан кутишмоқда”, – дейди Хосеп.
“Манчестер Сити” – “Реал” беллашуви 11 февралдан 12 февралга ўтар кечаси 01:00 да бошланади.
Изоҳ (0)