“Манчестер Сити” бош мураббийи Хосеп Гвардиола жамоасининг 2024—2025 йилги мавсумда Чемпионлар Лигасини ютиш имконияти ҳақида фикр билдирди.
“Чемпионлар Лигасини ютиш? Ҳозирча бу биз учун имконсиз вазифа. Чемпион бўлган йилимизни эсласам, фақат ғалабани ўйлаганман. Ҳозир эса реал ҳолатни инобатга олган ҳолда ҳаракат қиламан.
Бизнинг рақибларимиз бу турнирда катта тажрибага эга. “Реал” муаммоларга дуч келган бўлса-да, сўнгги ўйинларда ўз ўйин даражасига қайтди. “Бавария” эса Компани қўл остида ажойиб мавсум ўтказмоқда. Агар эртагаёқ ўйнашга тўғри келганида, биз учун жуда қийин бўларди. Лекин бир неча ҳафта ичида вазият ўзгариши мумкин. Ким билан ўйнашимизни ҳам ҳозирдан айтиш қийин. Биз яхшилаб тайёргарлик кўрамиз, оптимал формада бўламиз ва кўрамиз келажак бизга нималарни ваъда қилган, дейди Гвардиола CBS Спорц нашрига.
Кеча, 29 январь куни ўтказилган сўнгги турда “Брюгге”ни мағлуб этган “Манчестер Сити” Чемпионлар Лигаси умумий босқичида 22-ўринни эгаллади. Натижада плей-офф йўлланмаси учун Гвардиола шогирдлари “Бавария” ёки “Реал Мадрид” билан ўйнайди. Плей-офф қуръаси 31 январь куни бўлиб ўтади.
Изоҳ (0)