“Реал” клуби ҳужумчи Винисиус янги шартнома бўйича клубда энг кўп маош уники бўлишини хоҳламоқда. Бу ҳақда Cadena Ser маълумот берди.
Манба берган маълумотга кўра, бразилиялик футболчи йилига 25 миллион евро маош олишни ният қилган.
24 ёшли футболчининг агенти клуб вакиллари билан бир нечта музокаралар ўтказди. Дастлаб бразилияликнинг истаги рад этилган. Кейинги учрашувда футболчидан ўз молиявий талабларини тушунтириш сўралди.
Таъкидланишича, бугунги кунда Килиан Мбаппе, Жуд Беллингем ва Винисиус йилига 15 млн евро олади. Агар Винисиуснинг 25 миллион евролик истаги қабул қилинса, ўз навбатида англиялик ва франциялик футболчилар ҳам келишув шартларини яхшилашни талаб қилишлари мумкин.
Манбага кўра, “Реал” Винисиус истаган маошни бермайди. Шунингдек, Мадрид клуби Бразилия миллий жамоаси вингери билан шартнома имзоламоқчи бўлган саудияликлар билан рақобatlашиш нияти йўқлигини маълум қилган.
Изоҳ (0)