“Реал Мадрид” ярим ҳимоячиси Жуд Беллингем “Осасуна” билан ўйинда ҳакамни ҳақорат қилгани учун 2 та ўйинга дисквалификация қилинди.
Мадрид клуби бу қарордан норози. Жамоа энди қарорни бекор қилиш учун апелляция беради.
Агар апелляция қаноатлантирилмаса англиялик футболчи Ла Лига доирасидаги “Жирона” ва “Бетис”га қарши учрашувларни ўтказиб юборади.
Аввалроқ футболчининг ўзи ҳакамлик юзасидан фикр билдирган эди.
“Биз энди ўйинни ўзгартира олмаймиз, лекин умид қиламанки, видеоёзувлардан кейин қандайдир ўзгаришлар бўлади.
Футболчи майдонда бўлса, ҳар хил ҳиссиётларга берилади. Сиз майдонда экансиз, ҳиссиётлар сизни хурсанд қилиши, қониқарсиз натижа учун ғазабни келтириши мумкин.
Бундай ҳолатлар Испаниядаги ҳакамлик сифатига шубҳа билан қарашга ундайди”, – деган эди Беллингем.
Изоҳ (0)