1994 йилда экранларга чиққан “Қирол шер” мультфильми ҳозиргача томошабинлар қалбидан жой олган. Улуғвор саванна, ёдда қоларли қаҳрамонлар, вояга етишнинг таъсирли ҳикояси ва албатта, ҳали ҳам этни жунжиктирадиган саундтрек — буларнинг ҳаммаси асарни барча замонларнинг энг севимли мультфильмларидан бирига айлантирди.
Бироқ ёрқин ранглар ва қизиқарли сюжет ортида чуқур маъно, мажоз ва рамзлар яширинган. Фильм мухлислари кўп йиллар давомида мультфильмнинг барча сир-у синоатлари ва тагмаъноларини очишга уринишмоқда. Энг машҳур назариялардан бири Скарнинг ҳукмронлиги даврида Прайд ерларида юз берган қурғоқчилик билан боғлиқ.
Воқеалар ривожига кўра, қирол Муфаса ўзининг ёвуз акаси Скар қўлида ҳалок бўлгач, унинг вориси Симба сургунга кетишга мажбур бўлади. Симбанинг йўқлигида бир пайтлар ҳосилдор бўлган ерлар харобага айланади. Аммо ворис ўз юртига қайтиши биланоқ саванна яна гуллаб-яшнайди.
Муаллифлар асарга эзгулик ҳаётни тўлдириб, атрофдаги барча нарсани гўзаллаштиради, деган ғояни сингдиргандек туюлиши мумкин. Бироқ бу тафсилотнинг бошқа маъноси ҳам мавжуд.
Ҳалок бўлган қироллар булутлар шаклида осмонга кўтарилиб, янги ҳукмдорнинг ортидан эргашади. Симба кетгач, у билан бирга Прайд ерини ёмғир ва намлик учун масъул бўлган руҳлар ҳам тарк этади. Фақат Симба уйига қайтгандан кейингина, кўп йиллардан бери биринчи марта ерни ёмғир суғоради.
Изоҳ (1)
Daryoga yarashmapti. Qadriyat jihatidan ham to’g’ri emas