1994-yilda ekranlarga chiqqan “Qirol sher” multfilmi hozirgacha tomoshabinlar qalbidan joy olgan. Ulug‘vor savanna, yodda qolarli qahramonlar, voyaga yetishning ta’sirli hikoyasi va albatta, hali ham etni junjiktiradigan saundtrek — bularning hammasi asarni barcha zamonlarning eng sevimli multfilmlaridan biriga aylantirdi.
Biroq yorqin ranglar va qiziqarli syujet ortida chuqur ma’no, majoz va ramzlar yashiringan. Film muxlislari ko‘p yillar davomida multfilmning barcha sir-u sinoatlari va tagma’nolarini ochishga urinishmoqda. Eng mashhur nazariyalardan biri Skarning hukmronligi davrida Prayd yerlarida yuz bergan qurg‘oqchilik bilan bog‘liq.
Voqealar rivojiga ko‘ra, qirol Mufasa o‘zining yovuz akasi Skar qo‘lida halok bo‘lgach, uning vorisi Simba surgunga ketishga majbur bo‘ladi. Simbaning yo‘qligida bir paytlar hosildor bo‘lgan yerlar xarobaga aylanadi. Ammo voris o‘z yurtiga qaytishi bilanoq savanna yana gullab-yashnaydi.
Mualliflar asarga ezgulik hayotni to‘ldirib, atrofdagi barcha narsani go‘zallashtiradi, degan g‘oyani singdirgandek tuyulishi mumkin. Biroq bu tafsilotning boshqa ma’nosi ham mavjud.
Halok bo‘lgan qirollar bulutlar shaklida osmonga ko‘tarilib, yangi hukmdorning ortidan ergashadi. Simba ketgach, u bilan birga Prayd yerini yomg‘ir va namlik uchun mas’ul bo‘lgan ruhlar ham tark etadi. Faqat Simba uyiga qaytgandan keyingina, ko‘p yillardan beri birinchi marta yerni yomg‘ir sug‘oradi.
Izoh (1)
Daryoga yarashmapti. Qadriyat jihatidan ham to’g’ri emas