“Супер ака-ука Мариолар” комедик мултьфильми кино тарихидаги энг кўп даромад келтирган учинчи анимацион фильмга айланди, деб хабар бермоқда “Правила жизни” нашри.
Мултьфильм 5 апрелда намойиш этилгандан кейин дунё бўйлаб 1,248 миллиард доллар тўплаган. Шундан кейин мултьфильм кассада 1,242 миллиард доллар тўплаган “Супер оила-2” лойиҳасини ортда қолдирди ва ҳозирда “Музюрак” (1,284 миллиард доллар) ва “Музюрак-2” (1,45 миллиард доллар) мултьфильмларидан кейинги ўринда турибди.
Кино тарихида энг кўп даромад келтирган 10 мултьфильм:
“Музюрак-2” — 1,45 миллиард доллар
“Музюрак” — 1,284 миллиард доллар
“Супер ака-ука Мариолар” — 1,248 миллиард доллар
“Супер оила-2” — 1,242 миллиард доллар
“Минёнлар” — 1,159 миллиард доллар
“Ўйинчоқлар тарихи-4” — 1,073 миллиард доллар
“Ўйинчоқлар тарихи-3” — 1,067 миллиард доллар
“Яхши бўлиш осонми?-3” — 1,035 миллиард доллар
“Дорини излаб” — 1,028 миллиард доллар
“Ҳайвонлар шаҳри” — 1,025 миллиард доллар
Бироқ, мултьфильм мухлислари ўртасида 2019 йилда компьютерда ишланган “Қирол шер” анимацион фильмини рейтингга киритиш ёки ҳисобга олиш борасида баҳс-мунозаралар мавжуд. Агар ушбу лойиҳа бошқа мултьфильмлар билан солиштирилса, кассадаги тўловлар бўйича мутлақ етакчига айланади, чунки “Қирол шер” бутун дунё бўйлаб 1,66 миллиард доллар йиғган.
Бироқ, Disney ўз лойиҳасининг жанрини бадиий фильм сифатида белгилаган. Фильм режиссёри Жон Фавро ҳам “Қирол шер”ни анимация деб аташ нотўғри эканини айтган.
Изоҳ (0)