Жанубий Кореянинг нафақат истеъдоди, балки соҳибжамоллиги билан ҳам танилган 7 актрисаси (фото)

Корейс киноси бутун дунёда тобора оммалашиб бормоқда. Кореяда кўплаб истеъдодли актёрлар, жозибали ва гўзал актрисалар бор.

Пак Шин Хе

Пак Шин Хе нафақат Жанубий Кореяда, балки бутун Осиёда энг машҳур актрисалардан биридир. 32 ёшли актриса машҳур «Ворислар», «Докторлар» сериалида бош ролни ўйнаган. Шин Хе 19 ёшида рол ўйнаган «Сен гўзалсан!» сериали туфайли машҳур бўлиб кетади. Бундан ташқари, Шин Хе муваффақиятли қўшиқчи бўлиб, иккита альбоми яратган. У Forbes Кореа Power’нинг машҳурлар рўйхатида 33-ўринни эгаллайди.

Сон Хе Гё

40 ёшли Сон Хе Гё «Куз эртаги», «Вабанк», «Оила», «Бу қишда шамол эсади», «Қуёш авлодлари» сериалидаги бош роллари билан танилган. У «Куз эртаги» фильмидаги роли учун СBС Drama Awards’да «Энг яхши янги актриса» ва «Баэксанг Arts» мукофотини қўлга киритади.

Ли Жи Эун (Аю)

Аю саҳна номи билан танилган Ли Жи Эун 29 ёшли қўшиқчи ва актриса бўлиб, мусиқий карьерасини 15 ёшида Lost and Found дебют альбоми билан бошлаган. У Жанубий Кореянинг йирик Mnet Asian Music Awards маросимида бир нечта мусиқий мукофотларга сазовор бўлган. Ли Жи Эун ўзининг мусиқий ва актёрлик карьерасини муваффақиятли бирлаштира олган. Сўнгги йилларда у бош ролни ўйнаган «Алвон Корё»,«Менинг жанобим» телесериали туфайли унинг машҳурлиги сезиларли даражада ошди.

Ким Ю Жунг

Ёш бўлишига қарамай (23 ёшда) Ким Ю Жунг аллақачон карьерасида кўп ютуқларга эришган. Тўрт ёшида у кинода дебют қилади ва Кореядаги энг машҳур ва изланувчан болалар актрисаларидан бирига айланади. У илк профессионал мукофотини 9 ёшида олади, «Илжиме» ва «Рассом шамол» сериалларидаги роли учун «Энг яхши актриса» номинациясида ғолиб чиққан.

Пе Су Жи

27 ёшли Пе Су Жи жуда чиройли бўлишидан ташқари, ажойиб истеъдодга ҳам эга. Пе — муваффақиятли қўшиқчи ва актриса ва ҳатто ўзини модель сифатида синаб кўрди. Пе Су Жи «Мисс А» қизлар гуруҳининг аъзоси эди, 18 ёшида у «Архитектурага кириш» фильмида ўзининг бадиий фильмида дебют қилди. Гуруҳни тарк этгач, Пе Су Жи қўшиқчи сифатида яккахон карьерасини давом эттирди ва кейинчалик актрисаликка эътибор қаратди.

Пак По Ён

32 ёшида Пак По Ён кореялик энг талабгир ёш актрисалардан биридир. Расмий кино дебютидан олдин у Сеул халқаро ёшлар фильмлари фестивалида мукофотга сазовор бўлган «Тенгдошлар» қисқа метражли фильмида суратга тушган. Ўшанда у 15 ёшда эди. У расман бир йилдан сўнг «Мактаб ҳовлиси сирлари» телесериалида бош ролни ижро этган ҳолда актриса сифатида дебют қилади. Икки йилдан сўнг унга шон-шуҳрат келтирган «Жангчилар» фильми 2008 йилда Жанубий Кореяда энг юқори даромад келтирган фильмга айланди.