Қозоғистонда парвозлар бекор қилинган тақдирда йўловчиларнинг компенсация олиши осонлашади. Бу ҳақда транспорт вазири ўринбосари Талгат Ластаев маълум қилди.
Бундай хизмат авиачипталарни сотиб олиш учун фойдаланиладиган мобил иловаларга интеграция қилинади. Мамлакатда авиация саноатини рақамлаштириш давом этмоқда. Жумладан,
- “E-freight” — юк ташишда электрон ҳужжат алмашиши тизими.
- “E-doc-airport” — электрон шахсни тасдиқловчи тизим бўлиб, йўловчиларга қоғоз ҳужжатларни кўрсатмасдан рўйхатдан ва назоратдан ўтиш имконини беради.
Авиатасия соҳасида жорий этиладиган янги хизматлар эса қуйидагилар:
- йўловчиларни биометрик идентификациялаш — самолётга чиқишни тезлаштиради ва саёҳатни қулайлаштиради.
- йўналишларни оптималлаштириш — ёнилғи сарфини ва парвоз вақтини камайтиришга ёрдам беради.
- рейс кечиктирилганда рақамли суғурта — йўловчиларни компенсация олишда қоғозбозликдан халос қилади.
У йўловчиларга кечикишни суғурталаш ва тўловларни бир зумда олиш имконини беради.
Изоҳ (0)