Qozog‘istonda parvozlar bekor qilingan taqdirda yo‘lovchilarning kompensatsiya olishi osonlashadi. Bu haqda transport vaziri o‘rinbosari Talgat Lastayev ma’lum qildi.
Bunday xizmat aviachiptalarni sotib olish uchun foydalaniladigan mobil ilovalarga integratsiya qilinadi. Mamlakatda aviatsiya sanoatini raqamlashtirish davom etmoqda. Jumladan,
- “E-freight” — yuk tashishda elektron hujjat almashishi tizimi.
- “E-doc-airport” — elektron shaxsni tasdiqlovchi tizim bo‘lib, yo‘lovchilarga qog‘oz hujjatlarni ko‘rsatmasdan ro‘yxatdan va nazoratdan o‘tish imkonini beradi.
Aviatasiya sohasida joriy etiladigan yangi xizmatlar esa quyidagilar:
- yo‘lovchilarni biometrik identifikatsiyalash — samolyotga chiqishni tezlashtiradi va sayohatni qulaylashtiradi.
- yo‘nalishlarni optimallashtirish — yonilg‘i sarfini va parvoz vaqtini kamaytirishga yordam beradi.
- reys kechiktirilganda raqamli sug‘urta — yo‘lovchilarni kompensatsiya olishda qog‘ozbozlikdan xalos qiladi.
U yo‘lovchilarga kechikishni sug‘urtalash va to‘lovlarni bir zumda olish imkonini beradi.
Izoh (0)