Халқаро қидирувда бўлган шахс Мисрдан Ўзбекистонга экстрадиция қилинди, деб хабар қилмоқда “Дунё” ахборот агентлиги.
Унда келтирилишича, Интерполнинг Ўзбекистондаги Миллий марказий бюроси ходимлари томонидан ўғирлик ва катта миқдорда товламачилик жиноятларини содир этганлик учун халқаро қидирувга берилган Ўзбекистон фуқароси Т.Х.М. Мисрда экани маълум бўлган.
Ушбу шахс Миср ҳудудида бир муддат талабалик мақомида яшириниб юрган. Жорий йил январь ойида Интерполнинг Қоҳира шаҳридаги офиси ва Миср ҳуқуқни муҳофаза қилиш идоралари билан биргаликда ўтказилган тезкор тадбир давомида қўлга олинган.
Бундан аввал Россия Қозоғистонга 7 млн долларлик фирибгарлик ишида гумонланаётган ўзбекистонлик аёлни экстрадиция қилгани ҳақида хабар берилганди. Шунингдек, Ўзбекистонда бир йилдан ортиқ вақт қидирувда бўлган фуқаро Қозоғистонда қўлга олинган эди.
Шу билан биргаликда, Қозоғистонда 10 йилдан ортиқ халқаро қидирувда бўлган Ўзбекистон фуқароси ушлангани хабар қилинганди.
Изоҳ (0)