Қозоғистоннинг Олмаота вилоятида 15 январь куни туман сабабли 18 та автомобиль тўқнашди. Бу ҳақда “ҚазАвтоЖол” хабар берди.
Ҳодиса Олмаота — Уст-Каменогорск йўлининг 28-километрида соат 07:30 атрофида юз берган.
Авария қуюқ туман шароитида содир бўлди. Дастлабки маълумотларга кўра, аварияга ҳайдовчиларнинг чекланган кўриниш шароитида тезлик режимига ва оралиқ масофага риоя қилмагани сабаб бўлган, дея аниқлик киритди “ҚазАвтоЖол”.
Ҳодиса оқибатида тан жароҳати олганлар йўқ. ЙТҲда иштирок этган 18 та автомобилдан 16 таси йўлнинг қатнов қисмидан олиб ташланган. Авария содир бўлган йўл қисми 6 та ҳаракат полосасига эга ва ҳодиса пайти қуруқ бўлган.
3 январь куни Оқмўла вилояти Остона—Шучинский трассада ноқулай об-ҳаво туфайли 40 га яқин автомобиль тўқнашганди. ЙТҲга об-ҳаво шароити ёмонлашгани (бўрон, кўриш чеклангани) сабаб бўлган.
Изоҳ (0)