АҚШ президенти Жо Байден маъмурияти Россия энергетика секторига қарши энг йирик санкциялар жорий этилганини эълон қилди.
Россиянинг энергия ресурсларини қазиб олиш, қайта ишлаш ва экспорт қилиш соҳасидаги имкониятларини чеклашга қаратилган янги чоралар мамлакатда давом этаётган жанговар ҳаракатлар ва нефть қазиб олишнинг ўсишига жавоб тариқасида жорий этилди.
Санкциялар 183 дан ортиқ нефть танкерлари, ўнлаб трейдерлар, нефть хизматлари компаниялари, юқори мартабали амалдорлар ва йирик корпорациялар раҳбарларига таъсир кўрсатди. Металлургия ва тоғ-кон саноати корхоналари ҳам чекловларга учради.
Америка Қўшма Штатлари Россиянинг Украинага қарши олиб бораётган шафқатсиз ва ноқонуний урушини молиялаштиришнинг асосий манбаи бўлган даромадига қарши кенг кўламли чоралар кўрмоқда. Бугунги чоралар билан биз Россиянинг нефть савдоси, шу жумладан Россия нефть экспортини қўллаб-қувватлаш учун юк ташиш ва молиявий ёрдам кўрсатиш билан боғлиқ санкциялар хавфини оширмоқдамиз, деди Ғазначилик вазири Жанет Еллен.
Чекловлар Россия Энергетика вазирлиги ўринбосарлари Роман Маршовин ва Эдуард Шеремецев, “Зарубежнефть” раҳбари, “Лукойл” президенти ва “Tatneft” бош директори, “Росатом” бош директори, “Лукойл” президенти, “Tatneft” бош директорига қаратилган.
Қуйидаги компаниялар ҳам АҚШ чекловларига учраган:
- “Газпромнефть - Москва НҚИЗ”, “Газпромнефть - Омск НҚИЗ”, “Газпром нефте шелф”, “Газпромнефть – Аэро”, “Газпромнефть - Битумниэ материали”, “Газпромнефть-Хантос”, “Газпромнефть - масложниэ материали”, “Газпромнефть – Ноябрскнефтегаз”, “Газпромнефть – Оренбург”, “Газпромнефть – Восток”, “Газпромнефть – Ямал”, “Газпромнефть – Заполяре”,
- “Газпром нефть – Тожикистон”, “Газпромнефть – Интернешнл”, “Газпром нефть - Қозоғистон”, “Газпром нефть Осиё”, “Мунай Мирза”, шунингдек, НИС АД Нови Сад.
- “Сургутнефтгаз” шўба корхоналари: “Калининграднефтмаҳсулот”, “Кинеф”, “Киришиавтосервис”, “Ленгипронефттехим”, “Новгороднефтмаҳсулот”, “Псковнефтмаҳсулот”, “Твернефтмаҳсулот”.
- Энергетика вазирлиги Кўмир саноати департаменти директори Пётр Бобилев, ушбу идоранинг Махсус лойиҳаларни амалга ошириш департаменти директори Вадим Павлов, Халқаро ҳамкорлик департаменти директори Дмитрий Семёнов ва Газ тармоғини ривожлантириш департаменти директори Артем Верхов.
- “Ингосстрах” ва “Алфа страхование”.
- “Газпром СПГ Портовая” ва “Криогаз-Висоцк”, “Новатек”.
- “Ачимгаз” АЖ, “Газпромшелфпроект”, “Самотлорнефтепромхим”, “Қатламларнинг нефть беришини ошириш ва қудуқларни капитал таъмирлаш бошқармаси”.
- “Аргос”, “Атлас ННБ”, “Денкарс”, “Энергия нефтегазового сервиса”, “Фракжет-Волга”, “Голфстрим”, “Инвестгеосервис”, “Технологийи ОФС”, “Ленино-горскремсервис”, “Катконнефть”, “Нафтагаз-бурение”, “Ойл сервис гарант”, “РН-Сервис”, “Веллтех”, “НПП “Бурение”, “Пакер сервис”, “РН-Бурение”, “РН-ГРП”.
- “РН-бурение” ва “Роснефтфлот”.
- “Арктика СПГ-2” лойиҳаси ва у билан боғлиқ тузилмалар.
- Россия нефтининг савдоси алоқадор Гонконг, Латвия, Либерия, БАА ва Россиянинг 17 та компанияси ва 3 нафар жисмоний шахс.
Байден маъмурияти вакилларининг сўзларига кўра, бу чоралар Россиянинг иқтисодий таъсирини жиловлаш ва унинг ҳарбий ҳаракатларни молиялаштириш қобилиятини пасайтиришга қаратилган.
Изоҳ (0)