Rossiya hozirgi gaz qazib olish darajasi bilan 100 yildan ortiq zaxiraga, neft zaxiralari bilan esa taxminan 64,5 yilga ta’minlangan. Bu haqda Rossiya tabiat resurslar vaziri Aleksandr Kozlov ma’lum qildi.
-N_al_HFH.jpg)
Kozlovning so‘zlariga ko‘ra, Rossiyada hozirda uglevodorod xomashyosini geologik o‘rganish, qidirish va qazib olish bo‘yicha 4052 ta litsenziya mavjud bo‘lib, ular 747 ta yer qa’ridan foydalanuvchi o‘rtasida taqsimlangan.
“Umuman olganda, Rossiya qazib olinadigan tabiiy gaz zaxiralari bilan hozirgi qazib olish darajasida 100 yildan ortiq, neft bilan esa taxminan 64,5 yil davomida ta’minlangan”, dedi u.
Vazirlik Rossiyada dunyodagi barcha tabiiy gaz zaxiralarining taxminan beshdan bir qismi joylashganini ma’lum qildi. “Rosnedra” ma’lumotlarida bu 63,5 trillion kub metrni tashkil etadi. Neft zaxiralari bo‘yicha mamlakat beshinchi o‘rinda, bu raqamlarda 31,4 milliard tonnaga teng.
Rossiya ulkan neft va gaz zaxiralariga ega mamlakat. Ammo bu zaxiralar tarkibida yildan-yilga qazib olish qiyin bo‘lgan zaxiralar (TRIZ) ulushi ortib bormoqda. 2024-yilda Energetika vazirligi Rossiyaning barcha neft va gaz zaxiralarining 60 foizini qiyin qazib olinadigan zaxiralar tashkil etgani, 2030-yilga kelib esa bu 80 foizga yetishini ma’lum qilgandi.
Bu esa neft va gaz sanoati zudlik bilan mazkur uglevodorodlarni qazib olishning yangi usullarini ishlab chiqishi va joriy etishi zarurligini anglatadi. Biroq Moliya vazirligida buni hali-hanuz tushunishni istamaslik holati kuzatilmoqda. Buning sababi, hozirgi soliqqa tortish tizimi va texnologiyalar hamda uskunalarga qarshi qo‘llanilgan sanksiyalar sharoitida kompaniyalar uchun bu konlarni o‘zlashtirish foydali emasligi bilan izohlanadi.
Izoh (0)