AQSH prezidenti chegaradagi barcha noqonuniy o‘tish joylari yopib, migrantlarning kirishini taqiqlashni davom etar ekan, ba’zi san’atkorlar ochiqchasiga Trampning bu siyosatiga qarshi chiqmoqda. Shunday mashhurlardan biri Selena Gomesdir. U ning ota-onasi aslida meksikalik muhojirlar bo‘lgan. Garchi xonandaning o‘zi AQShda tug‘ilgan bo‘lsa ham, uning oilaviy shajarasi Amerikadan tashqarida boshlangan.
Quyida Gollivudda shuhrat qozongan ana shunday muhojir san’atkorlar haqida ma’lumot beramiz.
Mila Kunis
Aktrisa Mila Kunis Ukrainaning Chernovtsi shahrida tug‘ilgan. Uning ota-onasi Mila yetti yosh bo‘lganida AQShga ko‘chib kelgan. Ular hamyonida 250 dollar bilan vatanini tark etishgan. Amerikada Kunisning otasi taksi haydovchisi, pitssa yetkazib beruvchi sifatida mehnat. Onasi esa dorixonada ishlagan.
“Men AQSHga ko‘chib kelganimizda na u yerning madaniyatini, na tilini tushunmas edim. Bu go‘yo bi zumda ko‘r va kar bo‘lib qolishdek tuyular edi” degan edi aktrisa. Ammo u tez orada mamlakalatga moslashgan va ingliz tilini o‘rgangan.
Salma Hayek
Salma Hayek Meksikada tug‘ilib o‘sgan. U o‘z faoliyatini mahalliy telenovelalarda boshlagan. 1991-yilda Hayek aktyorlik sohasida o‘qish maqsadida Los Anjelesga kelgan. U grin karta olishdan avval ma’lum vaqtda AQSH da noqonuniy migrantlardan biri bo‘lgan.
Pamela Anderson
Aktrisa, model va jamoat faoli Pamela Anderson 1967-yil 1-iyulda Kanadaning Britaniya Kolumbiyasi provinsiyasida tug‘ilgan. 2004-yilda u Amerika fuqaroligini olgan va hayvonlar huquqlarini himoya qiluvchi faollardan biriga aylangan.
Jim Kerri
Jim Kerri 1962-yilda Kanadaning Ontario provinsiyasida tug‘ilgan. U bolaligidan Amerikaga borishni orzu qilgan. Uning otasi hisobchi va musiqachi bo‘lib, onasi esa uy bekasi edi. Oilasi iqtisodiy inqirozga uchraganida, otasi ishsiz qolgan va natijada ular moliyaviy qiyinchiliklarga duch kelgan. Bu esa uning orzusiga to‘sqinlik qilgan. Kerri Amerikada professional faoliyatini boshlaganidan 20 yil o‘tibgina AQSh fuqaroligini olgan. 2004-yilgacha u Kanada fuqarosi edi.
Natali Portman
Natali Portman Isroilda tug‘ilgan. Uning oilasi Qo‘shma Shtatlarga ko‘chib o‘tganda aktrisa uch yoshda bo‘lgan. 2015-yilda u Amos Ozning romani asosida ibroniy tilida suratga olingan “Muhabbat va zulmat haqidagi poema” filmida rejissyorlik qilgan.
Sharliz Teron
Aktrisa Janubiy Afrikada tug‘ilgan bo‘lib, modellik faoliyati bo‘yicha AQSHga kelgan. Keyin esa Gollivudda karyerasini davom ettirish uchun Los-Anjelesga ko‘chgan va 2007-yilda AQSH fuqaroligini olgan.
Emili Blant
Emili Blant Buyuk Britaniyada tug‘ilgan. U 2008-yilda AQSHga kelgan va oradan yetti yil o‘tib Amerika fuqaroligini olgan. Ammo u Britaniya fuqaroligini saqlab qoldi.
Arnold Shvarsenegger
U 1947-yil 30-iyulda Avstriyada tug‘ilgan va yoshlik chog‘ida bodibilding bilan shug‘ullana boshlagan. Shvartsenegger 1968-yilda, 21 yoshida AQShga ko‘chib o‘tgan. U Amerikada sportdagi muvaffaqiyatlarini davom ettirib, tez orada mashhur bodibilder va biznesmen bo‘ldi.
Keyinchalik u aktyorlik faoliyatini boshladi va butun dunyoga tanildi. Shvarsenegger AQSh fuqaroligini 1983-yilda oldi. 2003-yilda esa Kaliforniya gubernatori etib saylanib, 2011-yilgacha ushbu lavozimda ishlab keldi.
Izoh (0)