АҚШнинг Теннеси штати Нешвилл шаҳридаги мактабда ўсмир йигит отишма уюштирди. Ҳужум оқибатида ўқувчи қиз ҳалок бўлди, яна бир ўқувчи яраланди. Бу ҳақда CNN хабар берди.
Маълум қилинишича, 17 ёшли йигит Аntiох ўрта мактаби ошхонасида 16 ёшли қизга қарата бир неча маротаба ўқ узган. Кейинчалик у ўз жонига қасд қилган. Полиция ҳужум уюштирган ўсмир Соломон Ҳендерсон эканини аниқлаган.
Отишмада жабрланган ўқувчи йигит қўлидан жароҳат олган ва даволаниб, қўйиб юборилган. Яна бир йигит эса юзидан жароҳат олган, аммо унга ўқ тегмаган. Улар тўғридан тўғри ёки тасодифан Ҳендерсон томонидан нишонга олингани номаълум.
“Шу пайтгача ўтказилган тергов Ҳендерсон ва отишма қурбонлари ўртасида бирор алоқа борлиги аниқламади. Эҳтимол, улар ошхонада унинг тасодифий нишонига айланган”, дейилади Нешвилл полицияси баёнотида.
Бу АҚШдаги мактабда 2025 йилда кузатилган илк отишма ҳисобланади
2024 йилги сўнгги отишма 17 декабрь куни Висконсин штати Медисон шаҳридаги мактабда юз берганди. Ўшанда 15 ёшли қиз отишма уюштириши туфайли бир нафар ўқувчи, ўқитувчи ва қизнинг ўзи ҳалок бўлган. У ўзига ҳам ўқ узган ва олган жароҳати оқибатида касалхонага олиб кетилаётганда вафот этган. Жароҳатланганлар сони 6 кишини ташкил этган.
АҚШда сўнгги йилларда ҳуқуқни муҳофаза қилиш органлари мактабда ўқ отган болаларнинг ота-оналарига қарши айблов қўймоқда. Мисол учун:
- 2021 йил ноябрь ойида Итан Мичиган штатидаги ўрта мактабда отишма уюштиргани сабабли ота-онаси 10 йилдан 15 йилгача қамоқ жазосига ҳукм қилинган.
- Жоржия штатидаги Apalachee ўрта мактабида оммавий отишма уюштирган 14 ёшли Колт Грэйнинг отасига жорий йилнинг бошида 29 та айб қўйилган.
Изоҳ (0)