АҚШнинг Пенсилвания штати, Питтсбург шаҳридаги ибодатхонада 2018 йилда 11 кишини отиб ўлдирган эркак ўлимга ҳукм қилинди. Бу ҳақда CNN хабар бермоқда.
Телеканал маълумотларига кўра, бу ҳукм қатлларга мораторий жорий этган президент Жо Байден маъмурияти томонидан маъқулланган биринчи олий жазо бўлди. Диндорларни милтиқ билан отган Роберт Бауэрсга нисбатан ҳукмни бир овоздан қабул қилишга тўғри келди, акс ҳолда унга шартли озодликдан маҳрум қилиш ҳуқуқисиз умрбод қамоқ жазоси тайинланар эди.
2018 йилнинг 27-октябрь куни Бауэрс Шаббат маросимида “Ҳаёт дарахти” ибодатхонасига бостириб кириб, одамларга қарата ўт очган. Ҳалок бўлганлар орасида 97 ёшли аёл, ўша ибодатхонада 60 йил олдин турмуш қурган эр-хотин ҳам бор. Омон қолган олти кишидан тўрт нафари воқеа жойига етиб борган полиция ходимлари эди. CBS Pittsburgh манбаларига кўра, отишма пайтида эркак “барча яҳудийлар ўлиши керак” деб бақирган.
Бауэрс унга қўйилган айбловларнинг ҳеч бирини, жумладан, нафрат ва муросасизлик билан отишма содир этиш айбини тан олмади.
Изоҳ (0)