АҚШнинг Флорида штати Киссимми шаҳрида ўзбекистонлик фуқаро Бекзод Нишонбоевнинг отиб ўлдирилишида гумонланиб, бошқа бир ўзбекистонлик Ғани Жўрабоев ҳибсга олинди. Терговчилар ҳодисани қасддан қилинган қотиллик деб баҳоламоқда.
Шаҳарнинг Осеола округи шерифи Маркос Лопес маълум қилишича, Жўрабоев округда доимий яшовчи, тахминан 42 ёшда ва муқаддам судланмаган. Нишонбоев эса тахминан 31 ёшда, меҳнат визаси билан Ўзбекистондан келган, виза муддати 2022 йилнинг март ойида тугаган.
Отишма ҳақида хабардор қилинган шериф идораси ходимлари воқеа жойига келганида, ўқ ва қон изларини кўрган. Ҳудуддаги касалхоналарга қўнғироқ қилиниб, суриштирилганидан кейин маълум бўлишича, Жўрабоев Нишонбоевни AdventHealth Celebration шифохонасига олиб борган, Нишонбоев олган тан жароҳатлари туфайли ўша ерда вафот этган.
Терговчиларнинг таъкидлашича, бу отишма 5 000 доллар устида шахсий можаро бўлган.
«Тортишув жисмоний тус олган, жабрланувчи гумонланувчини муштлаган. Гумонланувчи машинасига келиб, қуролини олган ва уни отиб ўлдирган», — деди шериф Лопес.
Мавзуга доир: Россиядаги чойхонада ўзбекистонлик йигит ҳамюртларини пичоқлади. Улардан бири вафот этган
Изоҳ (0)