АҚШнинг Мен штати, Льюистон шаҳрида содир бўлган оммавий отишмада 22 киши ҳалок бўлди, яна 60 киши яраланди. Бу ҳақда CNN ва ABC News телеканаллари ҳуқуқ-тартибот идораларидаги манбаларга таяниб, хабар берди.
“Диққат: Льюистон шаҳрида фаол отишма ҳолати мавжуд. Ҳуқуқ-тартибот идоралари одамлардан бошпаналарга боришни сўрайди. Илтимос, уйингиз эшикларини қулфлаб ўтиринг”, — дейилади Мен штати полициясининг Facebook’даги огоҳлантириш постида.
Андроскоггин округи шерифи гумонланувчи сифатида қўлида автомат тутган оқ танли эркакнинг суратини эълон қилди. “Гумонланувчи ҳамон озодликда”, — дейилади хабарда.
ABC телеканали хабарига кўра, номаълум шахс маҳаллий бар ва Walmart супермаркети марказида ўт очган. Уни қидиришда ФҚБ вертолётлари иштирок этмоқда.
Кейинчалик Fox News аниқлик киритишича, бар ва Walmart марказидан ташқари учинчи жойда отишма содир этилган. Сун Journalънинг ёзишича, эҳтимолий гумонланувчининг шахси аллақачон аниқланган. У 40 ёшли Роберт Кард бўлиб чиқди. У ҳарбий тажрибага эга ва ўқотар қуроллар бўйича инструктор экани айтилмоқда. Аниқлик киритилишича, эркакнинг руҳий саломатлиги билан боғлиқ муаммолар бўлган.
Оқ уй матбуот котибининг NBC телеканалига айтишича, президент Жо Байден воқеа юзасидан аллақачон хабардор қилинган.
Льюистон Портленддан тахминан 57 километр шимолда жойлашган ва Мен штатидаги иккинчи йирик шаҳардир. Шаҳар аҳолиси тахминан 37 минг кишини ташкил қилади.
Изоҳ (0)