6 июнь куни Ричмонд шаҳрида (Виржиния штати) қуролланган шахс Монро боғида битирув маросимига йиғилган одамларга қарата ўқ узган. Отишма натижасида икки киши ҳалок бўлган, беш киши яраланган.
У касалхонага ётқизилган. Ҳужум қилган шахс қўлга олинган, деди шаҳар полицияси бошлиғи вазифасини бажарувчи Рик Эдвардс. Унинг сўзларидан CNN иқтибос келтирмоқда.
Полиция маълумотларига кўра, ҳужум қилган шахс 19 ёшли йигит бўлиб, унинг ёнида тўртта тўппонча топилган. Отишмада 18 ёшли битирувчи ва тадбирда иштирок этган 36 ёшли эркак ҳалок бўлган. Тергов ҳужум қилган шахс улардан бири билан таниш бўлиши мумкин, деб ҳисобламоқда.
Битирув маросими Виржиния Ҳамдўстлик университети кампусида жойлашган Монро паркида бўлиб ўтди. Тадбирнинг расмий қисми якунлангач, битирувчилар фотосессия учун кўчага чиққан. Шу пайт отишма бошланган. Телеканал маълумотларига кўра, кўчада юзлаб одамлар бўлган.
Ўлдирилган икки кишидан ташқари яна беш киши — 14 ёшли болакай ва 31 ёшдан 58 ёшгача бўлган тўрт эркак ўқдан жароҳат олган. Яна бир тўққиз ёшли болани паркдан қочиб кетаётганда машина уриб юборган. У касалхонага ётқизилган.
Изоҳ (0)