Техаснинг Форт-Уэрт шаҳрида кечаси содир бўлган отишмада камида уч киши ҳалок бўлди, саккиз киши жароҳатланди. Бу ҳақида CNN полиция баёнотига таяниб хабар бермоқда.
“Бизда отишма содир бўлди. Бир нечта қурбонлар бор”, дея шаҳар полиция бўлими капитани Шон Мюррейдан иқтибос келтирди телеканал.
Полициячининг қўшимча қилишича, отишма натижасида жабрланганлар касалхонага ётқизилган. Содир бўлган отишма жиноий гуруҳлар тўқнашувими, маиший можаро натижасими ёки бошқа нарса билан боғлиқми — бу ҳақида хулоса чиқаришга ҳали эрта.
Телеканал аввалроқ АҚШда шу тунда содир бўлган яна бир отишма ҳақида хабар берган эди. Американинг Филаделфия шаҳридаги тунги отишма натижасида беш киши ҳалок бўлиб, саккиз киши яраланган.
Изоҳ (0)