АҚШнинг Миссури штати Канзас-Сити шаҳридаги отишмада бир киши ҳалок бўлди, 22 киши яраланди. Бу ҳақда шаҳар полицияси бошлиғи Стейси Грэйвзга таяниб, CNN хабар берди.
Ҳодиса Америка футбол чемпионати ёки “Супербоул” ғолибларини шарафлашга бағишланган парад якунида юз берган. Уч кишининг аҳволи ўта оғир, беш кишиники оғир. Маҳаллий полиция икки нафар қуролланган эркакни қўлга олган.
ОАВ маълумотларига кўра, парадга жами 1 миллионга яқин одам келган, ҳуқуқ-тартибот идораларининг 600 нафар ходими ҳуқуқ-тартиботни таъминлаши керак эди. Канзас-Ситидаги отишма 2024 йил бошидан бери АҚШда содир бўлган 48-отишма экани айтилмоқда.
Миссури штатида 2013 йилдан бери камида 154 та оммавий отишма содир бўлиб, 582 киши яраланган ва 156 киши ҳалок бўлган. Умумий ҳисоблар ҳали 2024 йил 14 февралда Канзас-Ситидаги отишмани акс эттирмайди.
Изоҳ (0)