“Ҳар бир давлатни аёллар бошқарса, дунё яхши томонга ўзгарарди” — Обама 

АҚШнинг собиқ президенти Барак Обама аёллар ҳар бир давлатни камида бир неча йил бошқарса, дунё яхши жойга айланган бўлишини айтди. Бу ҳақда Daily Telegraph хабар берди.

АҚШнинг 44-президенти Австралия бўйлаб сафари чоғида лидерлик кучи ва келажакни қандай бошқариш ҳақида гапирди. Собиқ президент сиёсатдаги аёллар мавзусига ҳам тўхталди.

“Агар Ердаги ҳар бир давлатни икки йил давомида аёллар бошқарадиган тажриба ўтказа олсак, дунё яхши томонга ўзгаришига аминман”, — деди у.

Унинг сўзлари гулдурос қарсаклар билан кутиб олинди, шундан сўнг Обама қўшимча қилди.

“Қарсак чалишдан олдин, аёллар ақлдан озадиган ҳаракатлар қилмайсиз, демоқчи эмасман, шунинг учун ўзингизни кўп мақтаманг. Оиламда уч аёл бор, шунинг учун улардаги ҳар қандай ҳаракатларни кўрганман”, — деди у.

61 ёшли собиқ президент АҚШнинг Теннесси штатидаги мактабда уч нафар тўққиз ёшли боланинг ўлимига сабаб бўлган отишма ҳақида ҳам гапирди.

“Президентлигим давомида энг катта армон бўлиб қолган нарса, қурол ишлаб чиқарувчиларнинг таъсирини, баъзи қурол эгаларининг паранояси ва шубҳаларини енгиб ўта олмадим. АҚШда қуролга бўлган боғлиқликни синдира олмадим. Бу иқтисодий ривожланган давлатлар орасида уникал”, — дея хулоса қилди Обама.