Сирдарё ва Наманган вилоятларида валюта қимматликлари ноқонуний муомалага киритилишининг олди олинди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Ширин шаҳар бўлими томонидан тезкор тадбир ўтказилган. Унда валюта айирбошлаш билан шуғулланиб келган М.Э. ва Н.Х. жами 3 500 долларни фуқаро Ж.Р.га 40,3 миллион сўмга сотган вақтларида қўлга тушган. Тадбир якунида жами 4 550 доллар ашёвий далил сифатида олинган.
Шунингдек, департаментнинг Наманган шаҳар бўлими томонидан тезкор тадбир ўтказилган. Унда “Озод” МФЙ ҳудудида валюта айирбошлаш билан шуғулланиб келган Б.М. жами 3 000 долларни фуқаро А.Т.га 34,1 миллион сўмга сотган вақтида ашёвий далиллар билан ушланган.
Ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилган. Ҳозирда тергов ҳаракатлари ўтказилмоқда.
Изоҳ (1)
sohta valyutachilar disa sohta pul bilan qo'lga tushibti dib o'ylabman