Buxoro viloyatining Jondor va Xorazm viloyatining Xiva shahrida noqonuniy valyuta ayirboshlagan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Jondor tumanida fuqaro A.K. fuqaro M.S.dan 4 ming dollarni 52 mln so‘mga sotib olgan vaqtida ushlangan.
Shuningdek, Xiva shahrida fuqaro Q.J. fuqaro M.X.dan 3,3 ming dollarni 42,2 mln so‘mga sotib olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) jinoyat ishlari qo‘zg‘atilib, tergov harakatlari o‘tkazilmoqda.
Qo‘lga olinayotgan “valyutchik”lar
Avvalroq Buxoro, Xorazm va Toshkent viloyatlarida valyuta qimmatliklari savdosi bilan shug‘ullanib kelgan shaxslar ushlangan edi. Shuningdek, Andijon viloyatining Baliqchi hamda Oltinko‘l, Buxoro viloyatining Peshku tumanida valyuta qimmatliklari savdosi bilan shug‘ullanib kelgan shaxslar ushlangan.
Shu bilan birga, Samarqand viloyatining Ishtixon hamda Oqdaryo tumanlarida valyuta qimmatliklarini noqonuniy muomalaga kiritilishining oldi olingan.
Bundan tashqari, Samarqand viloyatining ikki tumani, shuningdek, Xorazm viloyatining Yangibozor tumanida valyuta ayirboshlash bilan shug‘ullanib kelgan shaxslar ushlangan.
Izoh (0)