Турк актёрлари ижодий фаолиятини турли йўллар билан бошлаган. Баъзилар болаликдан актёрлик касбини орзу қилган ва мактабдан кейин театр бўлимини тугатиб, саҳнада ва кино оламда ўз ўрнини топишга ҳаракат қилган. Қайсидир машҳурлар эса томошабинлар кўз ўнгида улғайиб, ёшлигидан теленовеллаларда рол ўйнашни бошлади ва тажрибага эга бўлиб ўз фаолиятини давом эттирди.
Кимдир кинога моделлик орқали кириб келган ва машҳурликка эришган. Кимдир тасодифан фильмга тушиб, продюсерлар ва кастинг агентларининг эътиборига тушган. “Яндекс Дзен” нашри машҳур турк актёрлари биринчи ва охирги ролларида қандай кўринишга эга бўлгани ҳақида маълумотларни тақдим этди.
Бурак Ўзчивит: Ўмердан Усмонгача
Моделлик бизнесида катта эътирофга сазовор бўлган Бурак Ўзчивит биринчи ролиданоқ чиройли кўриниши билан барчанинг эътиборини тортди. Режиссёр Аҳмет Сенмез томонидан суратга олинган “Минус 18” сериалидаги эпизодик Мурат ролидан сўнг “Зораки коcа” сериалида суратга тушади. Актёр кейинчалик эпизод ролларни ўйнашни давом эттиради ва “Кичик сирлар” телесериалида иштирок этади.
Актёр ўз карерасининг бошида ўйнаган муваффақиятли роллари туфайли, хорижда энг кўп сотилган турк сериалларидан бири бўлган “Муҳташам юз йил” сериалидаги Малкочўғлу ролига муносиб кўрилган. Кейинчалик у шахсий ҳаётида ҳам муҳим рол ўйнаган “Чолиқуши” сериалида суратга тушди ва бўлажак турмуш ўртоғи Фаҳрие Эвжен билан бирга бош ролни ўйнади.
Бурак айни дамда бир мавсумдан ортиқ рейтинг рекордларини янгилаб келаётган “Қурилиш: Усмон” сериалида Усмонлилар империясининг биринчи ҳукмдори ва асосчиси Усмон Ғози образини гавдалантирмоқда.
Ҳазал Кая: реклама роликларидан тортиб бош ролларгача
Ҳазал Кая телевидениедаги фаолиятини “Cола Турка” фирмасининг реклама юзи сифатида бошлаган. Актриса биринчи муҳим лойиҳаси “Тақиқланган севги” сериалидаги Ниҳал ролини ўйнашидан олдин учта фильмда: “Янги жодугарлар”, “Куч. Уйга қайтиш”, “Қўриқчи фаришта”да эпизодик ролларни ижро этган.
“Тақиқланган севги” сериали изланувчан актрисанинг карерасида бурилиш нуқтаси бўлди, у Ниҳал ролини ўйнаб, карерасида юқорилашни амалга оширди ва энг кўп кўрилган турк сериалидаги муваффақиятли ижроси билан барчани лол қолдирди. Актриса ижодий фаолияти давомида 22 та лойиҳада рол ўйнаган. Улардан энг машҳурлари: “Мен унга Фариҳа деб исм қўйдим", турклар ҳам ҳар йили қайсидир телеканалда ушбу сериални томоша қилишни яхши кўради, “Бизнинг ҳикоя” лойиҳаси эса хорижда энг кўп сотилган сериаллардан бири бўлди.
Актрисанинг охирги ролларидан бири “Пера Палас меҳмонхонасидаги ярим тун” сериалидаги Эсра образидир. Лойиҳани суратга олиш ишлари Ҳазал Каянинг ҳомиладорлиги сабабли 2023 йилнинг ёзига қолдирилган.
Фаҳрие Эвжен: кутилмаган таклиф ижодий кареранинг бошланишига сабаб бўлди
Фаҳрие Эвжен ўз ҳаётини актёрлик билан боғлашни режалаштирмаган. Унинг ота-онаси Германияга борди, Фаҳрие ўша ерда ўрта мактабни тугатди ва Дюссельдорфдаги Гейнрих Гейн университетининг социология факультетига ўқишга кирди. Фаҳрие онаси билан Истанбулда дам олаётганида кутилмаганда “Ҳеч қачон унутма” сериалида рол ўйнади. Суратга олиш ишлари тугагач, у актрисалик фаолиятини давом эттиришга қарор қилди ва таътил олди.
Биринчи актёрлик тажрибасини 2005 йилда “Ҳеч қачон унутма” телесериалида бошлаган интилувчан актриса дастлаб эпизодик ролларда, кейин эса янада кўзга кўринган ролларда ўйнаш учун таклифлар ола бошлади. Фаҳрие ижодий фаолияти давомида 15 та лойиҳада иштирок этган. Унинг ижодидаги энг муҳим лойиҳалари: “Хазонрезги”, “Чолиқуши”, “Ўлимгача” сериаллари ва “Сен менинг уйимсан”, “Чексиз севги” фильмларидир.
Актриса ўғли Каран дунёга келгач, “Алпарслон: Буюк Салжуқийлар” сериали билан меликнинг биринчи севгилиси Алпарслон Акчи ролида экранларга қайтди. Аммо у суратга олиш жараёнларида узоқ вақт қолмади ва лойиҳанинг биринчи мавсумида иштирок этди. Фаҳрие ҳомиладор бўлганлиги сабабли, унинг сериалдаги образи вафот этганидан кейин сериални тарк этди.
Арас Булут Ийнемли: реклама роликларидан тортиб “Отатурк” сериалидаги машҳур ролгача
Арас Булут Ийнемли аввалига турли реклама роликларида суратга тушди, кейин эса 17 фасл давом этган “Хавфли кўчалар” сериалида рол ўйнади. Бугунги кунда таниқли бўлган кўплаб актёрлар ўз карераларини ушбу сериал билан бошлади. Аммо унинг фаолиятидаги муҳим лойиҳа “Бебаҳо вақт” сериали бўлди, актёр ушбу лойиҳада Мете ролини ўйнади. Арас ушбу лойиҳада 3 мавсум давомида актёрлик соҳасида яхши тажрибага эга бўлди.
Арас ижодий фаолияти давомида 12 та лойиҳада рол ўйнаган: бироқ унинг энг қизиқарли роллари “Ичкарида” сериалидаги Мерт ва “Чуқур”даги Ямач образларидир. Актёрнинг машҳур ролларидан бири “7-бўлмадаги мўжиза” фильмидаги Мемо роли ҳисобланади. Ҳозирги кунда Арас Disney+ телеканалида намойиш этиладиган “Отатурк” сериали устида ишламоқда, актёр имиджини ўзгартирди ва бошқа таклифларни рад этди.
Бариш Ардуч: уни ҳар қандай ролда кўришингиз мумкин
Бариш Ардуч аста-секинлик билан шон-шуҳрат ва машҳурликка эришди, у ижодий фаолиятини “Тингла, азизим” ва “Ёмон еттилик” сериалларидаги кичик роллардан бошлаб, “Кичик хоним” сериалида маҳоратини намойиш этди ва турмуш ўртоғи Гупсе Озайнинг “Делиха” фильмидан кейин машҳурликка эришди. Ардучнинг энг машҳур бўлган вақти Элчин Сангу билан партнёрликда рол ўйнаган “Ижарага берилган муҳаббат” романтик комедияси бўлиб, лойиҳа томошабинларда ҳайрат уйғотди.
Шунингдек актёр “Чуқур”, “Қузғун”, “Клуб” сериалларида ҳам унутилмас ролларни ижро этган. Бариш бугунги кунда “Алпарслон: Буюк Салжуқийлар” лойиҳасидаги мелик Алпарслон роли билан томошабинларнинг олқишига сазовор бўлмоқда.
Асли Энвер: реклама роликларидан тортиб бош ролларгача
Реклама роликларида эътиборни тортган Асли Энвер илк бор телевизор экранларида “Ҳаёт илми” сериалида суратга тушган, бироқ “Бошдаги шамоллар” сериалидан сўнг ўзининг ажойиб актёрлик қобилияти ва табиий гўзаллиги билан барчани забт этган Мине образи туфайли машҳурликка эришди. Ҳозир ҳам ёшлар томоша қилишдан чарчамайдиган бу сериал Асли Энвернинг телевидениедаги 5 мавсум давом этган илк узоқ йиллик иши бўлди. Асли иштирокидаги энг машҳур сериаллардан бири “Истанбуллик келин”, у сериалда Ўзжан Дениз билан бирга ўйнаган.
Актрисанинг рақамли платформаларда 12 та телелойиҳа ва 2 та: 2023 йилда прокатга чиқадиган “Ишончли қўлларда” (Netflix) ва “Квест” (Disney+) кинокартиналари мавжуд. Асли “Менинг исмим Фараҳ” лойиҳасидаги навбатдаги ишидан ҳомиладорлиги туфайли воз кечишга мажбур бўлди.
Алина Боз: томошабинлар кўз ўнгида вояга етган
Алина Боз — деярли ҳеч қачон ўзгармайдиган ва табиий гўзаллигини йўқотмайдиган турк актрисаларидан биридир. Алина Боз биринчи марта 15 ёшида “Жасур ҳамшира” лойиҳасида суратга тушган. Шундан кейин у реклама роликларида суратга тушишда давом этди. Актриса “Майда нарсалар” сериалидаги ролидан кейин машҳурликка эришди.
Унинг иштирокидаги ҳар бир янги лойиҳанинг томошабинлари кенгайиб, мухлислари сони ортиб борди. Унинг ижодий фаолиятида 14 та лойиҳа мавжуд. Актрисанинг энг ёрқин ва энг қизиқарли роллари — “Қўлимни қўйиб юборма”, “Севги 101”, “Марашанец” фильмларидаги образларидир. FOX телеканалида намойиш этилган актриса иштирокидаги сўнгги “Парилар эртаги” сериали Туркияда машҳур бўлмади.
Изоҳ (0)