Ҳанде Эрчел янги лойиҳада суратга тушади, Демет Ўздемир ва Энгин Акюрек Joy Awards мукофотини топшириш маросимида иштирок этди. Турк киноси янгиликлари
Машҳур турк актрисаси Ҳанде Эрчел янги лойиҳада Бурак Дениз билан суратга тушади, Демет Ўздемир ва Энгин Акюрек Ар-Риёдда (Саудия Арабистони) бўлиб ўтган Joy Awards мукофотини топшириш маросимида иштирок этди. “Яндекс Дзен” нашри турк кино оламидаги янгиликларни тақдим этди.
“Шаҳраман” сериали рейтинг бўйича биринчи бўлиб дунёнинг 26 та давлатидаги кучли 10 таликдан жой олди, Туркияда эса рақамли лойиҳаларни кўриш сони бўйича биринчи ўринни эгаллади. Тез орада лойиҳа Netflix’нинг умумий рейтингида нечанчи ўринни эгаллаши маълум қилинади. Рейтингларга кўра, лойиҳа дунёдаги барча янги Netflix маҳсулотлари орасида 11-ўринни эгаллади.
Шунингдек, Серенай Сарикая ва Киванч Татлитуғ бош ролларни ижро этган “Оила” сериалининг илк афишаси намойиш этилди. Лойиҳанинг қачон бошланиши қўшимча равишда эълон қилинади. Сериал STAR TV’да намойиш этилади.
Симай Барлас OZ Media’нинг “Қора ўрмон” сериалида суратга тушиш учун музокара олиб бормоқда. Бош ролдаги актёр учун Ҳалит Ўзгур Сара номзоди кўриб чиқилмоқда. Лойиҳанинг режиссёри Волкан Кожатурк. Унинг фильмографиясида 14 та лойиҳа мавжуд бўлиб, энг машҳурлари “Узук”, “Зумрад Феникс” ҳисобланади. Сценарий муаллифи таниқли режиссёр, продюсер Али Ойдин бўлиб, унинг фильмографиясида 6 та лойиҳа мавжуд. Унинг “Мавлоно”, “Тўқнашув” номли лойиҳалари машҳур. Янги лойиҳа эса қасос ва севги мавзуси ҳақида ҳикоя қилади.
Демет Ўздемир ва Энгин Акюрек Ар-Риёдда (Саудия Арабистони) бўлиб ўтган Joy Awards мукофотини топшириш маросимида иштирок этди. Бу реклама учун қилинган саёҳат, чунки актёрлар тез орада худди шу лойиҳада рол ўйнашади.
Сюжети қизиқ бўлган сериалнинг биринчи қисми интиқлик билан кутилмоқда. “Менинг исмим Фараҳ” сериали қачон экранларга чиқиши ҳозирча номаълум. Сериал учун афишалар тайёрланди ва суратга олиш жараёнларидан биринчи кадрлар намойиш этилди.
“Яли Cапкини” сериали хорижда эфирга узатилади. Канал раҳбарияти муваффақиятни нишонлаши мумкин. Лойиҳа аллақачон дунёнинг 26 давлатига сотилган ва уни 6 мамлакатда ўз дастурларини трансляция қилувчи пан-араб канали МВС сотиб олгани учун умумий сони 30 тани ташкил этади. Бироқ сценарий муаллифлари бошқа нарсани ўйлаб топмаса, сюжет бурилишлари, суперхит Туркияда ўз томошабинларини йўқотиши мумкин, чунки охирги икки эпизодда рейтингларда пасайиш тенденцияси кузатилди.
Актриса Ҳанде Эрчел Бурак Дениз унинг партнёри бўлиши мумкин бўлган “Icimdeki Yabanji” лойиҳасини имзолаш босқичида. Disney+ да эфирга узатиладиган рақамли лойиҳада актрисанинг суратга тушиши ҳақида маълумот пайдо бўлди. Маълумки, актриса узоқ вақтдан бери рақамли платформа билан шартнома имзолаган. Бу “Сув париси” сериали ҳисобланади. Унинг бу лойиҳадаги партнёри Тарик Экин Текин бўлади. Сериал режиссёри Юсуф Пирасан, унинг фильмографиясида 9 та лойиҳа мавжуд, томошабинларнинг ёдида қолгани эса “Эшигимни қоқ”, “Ғаройиб доктор”, “Ҳаммаси никоҳ ҳақида” лойиҳаларидир. Сценарий муаллифи Айсе Кутлу бўлиб, у 3 та лойиҳа – “Эрта учган қуш”, “Эшигимни тақилла”, “Сендан ҳам гўзал” лойиҳалари сценарийсини ёзган.
Соғлигидаги муаммолар сабабли шифохонага ётқизилган машҳур турк актёрлари ҳақида эса нохуш хабар бор.
27 та лойиҳада рол ўйнаган, кекса авлоднинг машҳур турк актёри, 58 ёшли Месут Акуста жароҳат олди. Актёр “Разведка” сериалида иштирок этаётиб, миясига қон қуйилиб, касалхонага ётқизилган ва муваффақиятли лойиҳанинг актёрлар таркибидан чиқиб кетган. Бу мавсумда актёр “Юрак оғриғи” сериалидаги бош роллардан бирини эгаллаб, узоқ муддатли даволаниш курсидан сўнг экранларига қайтди. Ундан кейин эса яна нохуш ҳолат юз берди.
Актёр Акуста тиш шифокорига борган. У машинадан тушганидан кейин мувозанатни йўқотиб, йиқилиб тушган. Машина ҳайдовчиси ортига қарамай ҳаракатланиб, ерга йиқилган актёрнинг бармоқларини эзиб юборган. Жароҳат олган Месут Акустанинг 3 та бармоғи синган. Унинг қўли гипс қилинган. Соғлиғи билан боғлиқ муаммоларга қарамай, актёр суратга олиш ишларини тўхтатмаган.
Фильмографиясида 65 та лойиҳа бўлган 57 ёшли Аҳмет Мумтаз Тайлан Азиз телевидениесида намойиш этилган сўнгги сериалидан сўнг соғлиғи билан боғлиқ муаммоларга дуч келмоқда. У нафас олиши қийинлашгани сабабли шифокорга бориб, текширувдан ўтди ва ангиография қилди. Аҳмет Мумтоз Тайлан касалхонага ётқизилади ва операция қилинади.
