Турк актёри Киванч Татлитуғ иштирокидаги энг муваффақиятли фильмлар

“Оила” сериали узоқ вақтдан бери телевидениеда кўринмаётган икки машҳур турк актёрини экранларга қайтармоқда. Лойиҳада бош ролни ижро этиши режалаштирилаётган Серенай Сарикая охирги марта 2018 йилда “Фи Чи Пи” сериалида, актёр Киванч Татлитуғ эса 2019 йилда “Тўқнашув” телевизион лойиҳасида суратга тушган.

Киванч Татлитуғ — Туркиянинг энг машҳур актёрларидан бири, у юқори даромад келтирган ва энг муваффақиятли телевизион лойиҳаларда рол ўйнаган. Актёрнинг мухлислари унинг ижодини меҳр ва ҳайрат билан кузатиб боради. Киванчнинг 4 йил давомида рақамли лойиҳаларда суратга тушгани ҳисобга олинганда, унинг “Оила” номли янги сериали билан телеекранларга қайтиши катта шов-шувга сабаб бўлмоқда. Актёр ҳамма интиқлик билан кутаётган янги шов-шувли сериалдан олдин бир нечта лойиҳаларда иштирок этган.

Киванч Татлитуғ — шубҳасиз турк киносининг энг гўзал ва машҳур актёрларидан бири. Унинг деярли ҳар бир лойиҳаси катта муваффақиятга эришган ва бир неча мавсум давомида томошабинларни телевизор экранларга михлаб қўйган.

Киванч Серенай Сарикая билан бирга рол ўйнаши кутилаётган янги лойиҳадан олдин кўплаб муваффақиятли лойиҳаларда рол ижро этган. Актёрнинг аксарият мухлислари учун бу лойиҳалар узоқ вақтдан бери маълум ва энг севимли турк сериаллари қаторига кирган.

Собиқ спортчи, Best Мodel of Turkey ва Best Мodel of World танловлари ғолиби иштирок этган биринчи лойиҳа “Кумуш” оилавий лойиҳаси бўлиб, унда актриса Сонгул Оден билан бирга рол ўйнаб, Меҳмет исмли образни гавдалантирган. Сериал жуда машҳур бўлиб, 2005 йилдан 2007 йилгача 2 мавсумда давом этган.

Бу кўплаб синовлардан ўтган Меҳмет ва Кумушнинг муҳаббати ҳақидаги оилавий драма эди. Жуфтликнинг севги тарихи бой ва нуфузли Шадўғлу оиласида содир бўлган воқеалар фонида, уларнинг оилавий сирлари, интригалари, зўравонликлари ва ярашувлари акс этган воқеаларни ўз ичига олади.

Актёр “Қора денгиздаги америкаликлар 2” номли унча машҳур бўлмаган лойиҳада суратга тушганидан сўнг 2007—2008 йилларда телевизор экранларида намойиш этилган “Менекше ва Халил” шов-шувли сериалида рол ўйнади. Унинг сериалдаги партнёри Седеф Ажи эди. Бош қаҳрамонларнинг исм-шарифлари келтирилган сериал севгисини асраш учун тақдир томонидан юборилган барча синовларга бардош бера олган Менекше ва Халилнинг имконсиз севгиси ҳақида ҳикоя қилади. Афсуски, уларнинг севги ҳикояси фожиали тугайди, Халил вафот этади.

Ҳар йили турк телеканалларидан бирида намойиш этиладиган ва турк киносининг классикасига айланган энг машҳур, турклар томонидан севиб томоша қилинадиган “Тақиқланган севги” сериали Киванчга дунё миқёсида шуҳрат келтирган лойиҳа ҳисобланади. Сериал дунёнинг кўплаб мамлакатларида намойиш этилган. Ушбу лойиҳада Киванчнинг партнёри Берен Саат бўлди.

Киванч кейинги лойиҳада бош ролни ижро этмади, бироқ у яратга образ машҳур бўлди. Ушбу лойиҳа 2009—2011 йилда намойиш этилган, актёр Секиз образини гавдалантирган “Эзел” сериали эди.

Актёр орадан бир йил ўтиб, “Кузей-Гуней” сериалида бош ролда Бугра Гюлсой ва Ойкю Караел билан суратга тушди. Сериал характер ва ҳаёт мақсадларига тўғридан тўғри қарама-қарши бўлган икки ака-ука Кузей ва Гунейнинг оғир тақдири ҳақида ҳикоя қилади. Сериал 2 йил давомида томошабинларни ўзига жалб қилди. Лойиҳа 2011—2013 йилларда намойиш этилган.

Унинг кино карерасидаги кейинги лойиҳа турк томошабинлари томонидан юқори баҳоланмаган “Курт Сейит ва Александра” сериали эди. Сериалда Фараҳ Зайнеп Абдулла унинг партнёрига айланди. Офицер ва Санкт-Петербургнинг олий зодагонлиги вакилининг севги ҳикояси тарихий: Россиядаги инқилоб, иммиграциянинг оғир йиллари ва вақт синовига дош бермаган, бироқ Курт ва Шура қалбларида абадий қолган севги ҳақидаги воқеаларни акс эттиради.

Икки йиллик танаффусдан сўнг Киванч Туба Буюкустун билан бирга рол ўйнаган “Жасур ва гўзал” сериалида суратга тушди. Сериал қасосдан туғилган севги ҳақида ҳикоя қилади.

Киванч иштирок этган лойиҳалар ҳақида гапирилар экан, 2018 йилда суратга олинган ажойиб “Қани бўл, ўғлим” фильмини тилга олмай бўлмайди. Ушбу лойиҳа аутизм касаллигига чалинган ўғли Эфени ёлғиз ўзи тарбиялаётган отанинг таъсирчан ҳикоясини ўз ичига олади. Фарзандининг мусиқий қобилиятини пайқаган Али уни ривожлантириш учун қўлидан келган ҳамма нарсани қилади.

Киванч иштирокидаги сўнгги телесериал — “Тўқнашув” лойиҳаси, унда актёр полиция комиссари ролини ижро этди ва актриса Элчин Сангу билан партнёр бўлди. Автоҳалокат тўрт хил инсон: ўғирланган қизини қутқариш учун пул ўғирлашга мажбур бўлган банк ходими Зейнеп (лойиҳада бу ролни Элчин Сангу ўйнаган), унинг адвокати Зейнеп (Мелиса Асли Памук ижросида), ўғри Керем (Алперен Дуймаз гавдалантирган образ) полиция комиссари Кадир ( сериалда ушбу образни Киванч Татлитуғ ижро этган) тақдирини бир-бирига боғлайди.

Актёр 4 йиллик танаффус давомида реклама компаниялари лойиҳаларида суратга тушишни, шунингдек актёрлик фаолиятини давом эттирди ва рақамли, қўшма хорижий лойиҳалар: “Истанбулга қилинган охирги қўнғироқ” (АҚШ, Туркия ҳамкорлигида), “Атсиклар Байрами” ( Netflix маҳсулоти), “Якамоз 245 сув ости кемаси”да иштирок этди. Ҳозирда актёр барча интиқлик билан кутаётган “Оила” сериали билан экранларга қайтишга ҳозирлик кўрмоқда.