Турк кино оламидаги шов-шувли лойиҳалардан бири бўлиши кутилаётган “Қиролича” сериалининг актёрлар таркиби тузилмоқда, Чиғатай Улусой севгилиси билан олти йиллик муносабатларини якунлашга қарор қилди. “Яндекс Дзен” нашри турк кино оламининг янги лойиҳалари ва актёрларининг ижоди, шахсий ҳаёти ҳақидаги янгиликларни тақдим этди.
Мавсум янгилиги ҳисобланган “Видолашув мактуби” лойиҳасини суратга олиш жараёнлари бошланди. Сериалнинг намойиш қилиниш санаси ва вақти ҳали эълон қилинмаган, бироқ биринчи эпизодлар суратга олинган, рекламалар намойиш этилмоқда, шунинг учун премера ҳам узоқ эмас. Актёрлар таркиби қизиқ: уларнинг орасида Нургул Ешилчай, Селим Байрактар ва ёш актёрлардан Рабия Сойтурк, Эмре Кивилжим бор.
Бироқ Американинг “Пахта далалари маликаси” сериалининг ремейки бўлган “Қиролича” номли лойиҳаси устида иш қизғин давом этмоқда, актёрлар таркиби сараланмоқда. Гокҳан Алкан сериалдаги бош қаҳрамон сифатида шартнома имзолади. Яна бир бош қаҳрамон ролини актриса Буржу Ўзберк ижро этиши кутилмоқда. Агар актриса рози бўлса, яна бир сериал жуфтлиги бўлади.
3 февраль куни Amazon Prime рақамли платформасида илк турк фильми “Тушингда кўрасан” фильми намойиш этилади. Лойиҳада бош ролларни Буржу Ўзберк ва Мурат Боз ижро этган.
Берен Гўкйилдиз бош ролни ижро этган “Яшил водий қизи” турк сериали хориж телеканаллари учун суратга олинди, лойиҳа Пуэрто-Рикода намойиш этила бошланди, кейинчалик Чилида намойиш этилади. Лойиҳанинг Туркиядаги премера санаси ҳозирча номаълум.
13 январь куни Netflix янги турк сериали “Ютқазганлар клуби”ни тақдим этди. Лойиҳада бош ролларни Ҳанде Догандемир, Мерве Чағиран, Йигит Ўзшенер ўйнаган.
Маълум бўлишича, “Тожсиз малика” турк сериали 1994 йилда суратга олинган япон лойиҳаси “Уйсиз бола” (“Ити бор қиз”) фильмига адаптация шаклида ишланган. Лойиҳанинг биринчи қисми Туркия экранларига чиқди. Рейтинглар муваффақиятсиз эмас, бироқ жуда оддий, ҳамма нарсани динамика ҳал қилади. Туркия ижтимоий тармоқларида меҳрибон, адолатли, шогирдларига ҳамдард бўладиган, нафақат сўзда, балки амалда ҳам ёрдам бера оладиган ўқитувчи Эвгин образини гавдалантирган актёр Исмоил Ҳажиўғлининг ижроси кенг муҳокама қилинди.
Ёши 100 дан ошган, ташқи кўринишидан ҳеч нарсани айтиб бўлмайдиган йигит ва у билан тақдири боғланадиган қиз ҳақидаги “Ҳаёт манбаи” сериалини суратга олиш ишлари январь ойи охирида бошланади. Лойиҳада бош ролларни Эбру Шаҳин ва Беркан Сокуллу ижро этади. Фильм ОGM Pictures томонидан суратга олинади.
“Бизнинг сир” турк сериалида бош ролларни Лейла Фераи ва Арас Ойдин ўйнаган. Лойиҳада хаёлий никоҳ ҳикояси баён қилинади. Бош қаҳрамон Алп онаси учун донор қидиради ва Нева исмли аёлни топади. Аёл қийин аҳволда, унга ёрдам бериш керак бўлади. Операцияни амалга ошириш учун Алп Невага уйланади. Бироқ хаёлий муносабатлар тезда ҳақиқий севгига айланади.
Турк актёрларининг шахсий ҳаёти
38 ёшли актриса биринчи марта турмушга чиқаётган бўлса, 45 ёшли Беркун Оя учун бу иккинчи никоҳ, қисқа оилавий ҳаётдан сўнг у 2015 йилда турмушидан ажрашишга қарор қилган.
Акин Акинозю севгилисига турмуш қуришни таклиф қилди. Папарацсилар Сандра Пестемалжианни Нишатанши ҳудудида суратга олишга муваффақ бўлди, унинг қўлида никоҳ узуги бор эди, бу журналистларнинг сўзларини тасдиқлайди. Тантанали лаҳза Парижда бўлиб ўтди, Сандра у ерга севгилиси билан Янги йил байрамини ўтказишга борди. Тўй маросими 2023 йилнинг июль ойида ўтказилиши режалаштирилган.
Шу ёзда тўй маросимига тайёргарлик кўраётган Чағатай Улусой ва Дуйгу Саришиннинг тўйи ҳақида маълумот пайдо бўлиши биланоқ, папарацсилар ҳайратланарли хабарни тақдим этди. Жуфтлик ажрашди, Чағатай дўстлари билан Дуйгусиз таътилга борди. Ўтган йили жуфтликнинг тўйи бўлиши муҳокама қилинган эди, Дуйгу ҳатто маросимни ўтказиш учун жой ҳам топган, бироқ охирги лаҳзада Чағатайнинг бандлиги сабабли маросим 2023 йилга қолдирилган. Жуфтлик муносабатларини никоҳ билан мустаҳкамлашга қарор қилган эди, бироқ журналистларнинг янги маълумотлари пайдо бўлди, энди шов-шувли хабарнинг расмий тасдиқланиши ёки инкор этилишини кутиш қолди.
Изоҳ (0)