L’Oreal асосчиси набираси Франсуаза Беттенкур Майерс 100 миллиард доллардан ортиқ бойликка эга бўлган дунёдаги биринчи аёл бўлди. Қуйида жуда катта активларга эга бўлган француз аёли ва унинг мураккаб оилавий муносабатлари ҳақида маълумот берамиз.
Франсуаза Беттенкур Майерс 2017 йилда онасидан L’Oreal акцияларининг учдан бир қисмини мерос қилиб олади ва Bloomberg маълумотларига кўра, 82,1 миллиард доллар бойлиги билан дунёдаги энг бой аёлга айланади. Оддий миллиардер меросхўрлардан фарқли ўлароқ, бу хоним эътиборини L’Oreal директорлар кенгаши аъзолигига (у бир нечта кенгаш қўмиталарида, жумладан, стратегия ва барқарорлик, инсон ресурслари, тайинлаш ва бошқарув) ва ўзининг ёзувчилик карьерасига қаратди. Бадавлат меросхўр юнон мифологияси ва яҳудий-христиан муносабатларидан тортиб эшитиш ва карлик ҳақидаги мавзуларда китоблар ёзган.
Франсуаза 2025 йилда 72 ёшга тўлади. У L’Oreal асосчиси Эжен Шуэллернинг набираси. Бобоси 1908 йилда Oreal деб номланган янги соч бўёғи формуласини ихтиро қилади. Бу ихтиро Шуэллерга катта даромад олиб келади, 1957 йилда унинг бойлиги қизи Лилиан Беттенкурга ўтади. Унинг эри Андре Беттенкур француз сиёсатчиси бўлиб, ҳукуматда вазир ва сенатор бўлиб ишлаган. Беттенкурлар француз жамиятида ўзларининг ҳашаматли базмлари билан машҳур эди.
Бироқ Франсуаза Беттенкур Майерс ҳеч қачон ота-онаси каби ҳашаматли турмуш тарзини олиб бормаган. Унинг севимли машғулотлари — китоб ёзиш ва пианино чалиш бўлган. Ванитй Фаир нашрига кўра, ўсмирлик чоғидаёқ Франсуазанинг онаси билан муносабатлари яхши кечмаган.
Беттенкур Майерс “Беттенкур иши” деб номланувчи мерос бўйича оилавий суд жараёнини бошлаганида бу муносабатлар кескин нуқтага етади. Неw Ёрк Times газетасининг ёзишича, суд жараёнида Франсуаза онасининг энг яқин дўсти, фотограф Франсуа-Мари Бане Беттенкур хоним билан бўлган “ишқий можароси”дан фойдаланиб, кекса аёлни унга нақд пул, тахминан 1,86 миллиард долларлик санъат ва кўчмас мулк беришга мажбурлаганини даъво қилган. Беттенкур Майерс 2007 йил декабрь ойида Банега қарши жиноий иш қўзғатади. Лиллиан қизининг даъвосига қарши чиқади ва активларини ўз хоҳишига кўра Бане билан бўлишганини айтади.
Беттенкур хоним деменция ва Альцгеймер касаллигига чалингани, атрофидагилар эса унинг беморлигидан фойдалангани хабар қилинган. Енгилишни хаёлига ҳам келтирмаган Франсуаза Беттенкур Майерс Франциянинг ўша пайтдаги президенти Николя Саркози ҳам иштирок этган драматик терговга яна тўққиз нафар айбланувчини қўшади. Собиқ ҳукумат амалдори президентлик кампаниясини молиялаштириш учун Беттенкур пулларини ноқонуний қўлга киритганликда айбланган, гарчи президентга қарши иш далиллар йўқлиги сабабли тўхтатилган. Бане 2015 йилда “аёлнинг ожизлигини суиистеъмол қилиш”да айбланиб, икки ярим йиллик қамоқ ва жабрланувчига 158 миллион евро товон тўлаш жазосига ҳукм қилинган, бироқ кейинчалик апелляция ишида қамоқ муддати ва тўлов бекор қилинган.
Гарчи Беттенкур Майерс суд жараёнидан ғалаба қозонган бўлса-да, кейинроқ гувоҳларга пора бергани ҳақидаги айбловлар учун тергов қилинади. Тергов 2015 йилда Бене томонидан қўйилган жиноий даъвога асосланган эди. Ўшанда Франсуаза гувоҳга берган тўлов қисман ишдан бўшатиш нафақаси, қисман шахсий қарз бўлиб, кўрсатма учун пора эмаслигини айтган. Қарши даъво 2016 йилда махфий келишув асосида ҳал қилинган.
Судда иштирок этган адвокат Ванитй Фаир нашрига шундай дейди:
2011 йилда Лиллиан Беттенкур руҳий саломатлиги ёмонлашгани сабабли оиласи қарамоғига топширилади. Суд жараёнида узоқ вақтдан бери унутилган оилавий сирлар, жумладан, Беттенкур-Меернинг отаси ва бобоси нацистларга хайрихоҳ бўлгани ҳақидаги тахминлар ҳам ошкор бўлади.
Эжен Шуэллер фашистлар Германиясининг дастлабки йилларида Адолф Гитлернинг “динамизми”ни омма олдида мақтаган ва Иккинчи жаҳон уруши тугаганидан кейин нацистларнинг ҳамкори сифатида тергов қилинган, шунингдек, республика ҳукуматини ағдариш учун фитна уюштирган махфий жамиятнинг аъзоси бўлган — 1930 йилларда Франция гуруҳни молиялаш ва унга L’Oreal штаб-квартирасида учрашувлар ўтказишга рухсат бериш орқали уларга хизмат қилган.
Андре Беттенкур, ўз навбатида, 1940 йилларнинг бошларида немиспараст матбуот учун антисемитизм мақолалар ёзган, гарчи йўналишини ўзгартириб, қаршиликка қўшилган бўлса ҳам. Кейинчалик у Иккинчи жаҳон уруши пайтида ҳарбий хизмати учун мукофотланган ва Франция ҳукуматида хизмат қилган.
2017 йилда Лиллиан вафотидан сўнг, Франсуаза ўзининг миллиардлаб долларларини ва Беттенкур хоним сўнгги кунларини ўтказган Арт Деcо саройини мерос қилиб олади. Уй Парижнинг ғарбий қисмидаги бой шаҳар Неуилли-сур-Сеине шаҳрида жойлашган. Бундан ташқари, у Бриттани қирғоғидаги болалиги ўтган уйга ҳам эга бўлади. Аммо ҳозирда Франсуаза Парижнинг ғарбий чеккасида яшайди.
Ўтган йиллар давомида француз аёлининг бойлиги кескин ўсди. Bloomberg маълумотларига кўра, Беттенкур Майерснинг соф бойлиги 82,1 миллиард долларга баҳоланиб, у дунёдаги энг бой аёл ва дунёдаги 11-энг бадавлат одам ҳисобланади. У ва оиласи L’Oreal’нинг 33 фоиз улушини назорат қилади.
Франсуаза Tethys оилавий холдинг компанияси бош директори Жан-Пьер Майерсга турмушга чиққан. Уларнинг Жан-Виктор ва Николас исмли икки ўғли бор. Жан-Виктор 2012 йилда бувисининг ўрнини эгаллаб, онаси билан бирга L’Oreal директорлар кенгашида ишлай бошлади. Компания L’Oreal, Maybelline, Essie, Garnier, Urban Decay Cosmetic, Lancome ва Kiehl’s каби оммавий брендларга эга.
Беттенкур Майерс, шунингдек, 1980 йилларда асос солган хайрия ташкилоти Betancourt-Schueller жамғармаси президенти сифатида ҳам ишлайди. Жамғарма табиий фанлар ва санъат соҳасидаги тадқиқотларни қўллаб-қувватлаш учун грантлар ажратади.
Изоҳ (0)