Жойларда табиий газдан ноқонуний фойдаланиш ҳолатларини аниқлаш бўйича назорат тадбирлари давом эттирилмоқда, деб хабар берди “Ҳудудгазтаъминот” АЖ матбуот хизмати.
Маълум қилинишича, Тошкент вилояти, Ўрта Чирчиқ туманининг “Халқобод” маҳалласида истиқомат қилувчи фуқаро Н.У. ўз хонадонида ташкил қилган иссиқхонада ҳисоблаш ускунасини четлаб ўтиб, ижро-техник ҳужжатларисиз табиий газ тармоғига уланган.
Ҳолат юзасидан далолатнома тузилиб, қонунчиликда белгиланган тартибда қайта ҳисоб-китоб ишлари амалга оширилиб, 486,14 млн сўмлик зарар аниқланди.
Воқеа бўйича барча ҳужжатлар ҳуқуқни муҳофаза қилувчи органларга юборилди.
Аввалроқ Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган.
Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди.
Изоҳ (0)