“Гарри Поттер ва ҳикматлар тоши” китоби муқоваси учун қўлланган акварел суратнинг оригинали Нью Ёркдаги Sotheby’s аукционида 1,9 миллион долларга сотилди.
Иллюстратор рассом Томас Тейлор суратни 23 ёшида чизган, бу унинг биринчи расмий буюртмаси бўлган.
Мазкур нарх Гарри Поттер оламига оид буюмлар учун рекорд миқдор, дея қайд этади MarketWatch.
2001 йилда расм атиги 85 750 фунт стерлингга баҳоланган. Гарри Поттерга тегишли буюмлар бўйича олдинги рекорд 2021 йилда ўрнатилган, ўшанда биринчи китобнинг биринчи нашри Далласдаги аукционда 421 минг долларга сотилган эди.
Жоан Роулинг томонидан ёзилган The Tales оf Beedle the Bard китоби қўлёзмаси 2007 йилда 1,95 миллион фунт стерлингга сотиб олинган, бироқ бу нашр хайрия аукциони учун махсус тайёрланганди.
Изоҳ (0)