“Менинг қаттиққўл энагам” фильми британиялик болалар ёзувчи Кристианна Брэнднинг “Энага Матильда” китоби асосида яратилган. Картина экранга чиққанига анча йиллар бўлишига қарамасдан болалар, ҳатто катталарнинг ҳам севимли фильмларидан бири бўлиб қолмоқда. Йиллар давомида фильм қаҳрамонлари қанчалик ўзгарди.
Эмма Томпсон — Энага Матильда Макфи
Актриса уйини тозалаш давомида, тасодифан болалар ва уларнинг янги энагаси атрофида содир бўлган воқеалар ҳақида ёзилган китобга дуч келади. Асар Эммага шу қадар ёққанидан китоб асосида сценарий ёзишга қарор қилган. Томпсон уни яратиш учун тўққиз йил вақт сарфлайди. Фильм нафақат ўзини оқлаган, балки актрисага ўз актёрлик қобилиятини намойиш этишга ҳам катта ёрдам берган.
Колин Ферт — Жаноб Седрик Браун
Фильмда иштирок этишдан олдин ҳам Колин ўз ватанидан ташқарида таниқли эди. “Энага Макфи” фильмидаги иштирокидан кейин ҳам актёр ўзининг роллари билан мухлисларни хурсанд қилишда давом этган. Ҳозирги кунда Колин карьераси бошида бўлганидек романтик роллардан кўра, жиддийроқ ролларни ўйнашни афзал кўрмоқда.
Келли Макдоналд — Эванжелина
Фильмда Келли ўқишни ҳам ёзишни ҳам билмайдиган қизнинг ролида намоён бўлади. Актрисанинг фаолиятида бир қанча роллар бўлишига қарамасдан, айнан шу фильмдаги иштироки унга ўз қобилиятини кўрсатишга имкон берган. 2007 йилда актриса Томми Ли Жонсон, Хавьер Бардем билан “Қариялар учун мамлакат йўқ” фильмида кўриниш берди. Беш йилдан сўнг, Келли “Гарри Поттер ва ўлим туҳфаси” фильмида Елена Когтевран ролини гавдалантирди.
Анжела Лэнсбери — Герцогиня Аделаида Стич
Актриса 1925 йилда туғилган ва 19 ёшида ўзини кинода синаб кўришга қарор қилган. Ўзининг омадли дебютидан кейин у бир нечта мукофотларга номзодлик қилган. Улар орасида “Оскар” мукофоти ҳам бор. Лекин унга бу мукофотни қўлга киритиш анча йиллардан сўнг насиб қилди. “У ёзган қотиллик” сериали чиққанидан кейин актриса катта шуҳратга эришади. Лойиҳа 12 фасл давом этган. Бундан ташқари, тўртта тўлиқ метражли фильмлар чиқарилган. 96 ёшли актриса ўша пайтдан буён кино ичида, лекин охирги йилларда ёши ва яхши роллар йўқлиги сабабли асосан театрда кўриниш бермоқда.
Имельда Стонтон — Блекзервик хоним
Кўпчилик мухлислар актрисани “Гарри Поттер ва Феникс ордени” фильмидаги Долорес Амбриж образи билан эсласа-да, Имельда кўп ёрқин ролларга эга. Фаолиятининг дастлабки даврида “Питернинг дўстлари”, “Ошиқ Шекспир” ва бошқа кўплаб фильмларда суратга тушган. “Энага Макфи” фильмидаги роли орқали актрисанинг Долорес Амбриж эканлигини таниб олиш қийин бўлган.
Селия Имри — Селма Квикли хоним
Актриса фаолиятини 1970 йилларда бошлаган, бироқ ёши улғайганда экранда кўпроқ пайдо бўлди. 2000 йиллардан бошлаб Селия кўплаб фильм ва сериалларда суратга туша бошлади. У 71 ёшда ва янги марраларни забт этишда давом этмоқда.
Томас Броди Сенгстер — Саймон Девид Браун
Томас ўн бир ёшида кинода дебют қилган. Икки йилдан сўнг, “Ҳақиқий севги” фильмида суратга тушган. Иқтидорли бола тезда эътибор қозонади ва бир муддатдан сўнг катта машҳурликка эришди. Ёши улғайган сари унинг машҳурлиги ҳам ортиб борди. Актёр “Лабиринт”, “Қироличанинг юриши”, “Тахтлар ўйини” ва бошқа бир қанча фильм ҳамда сериалларда суратга тушишга муваффақ бўлди.
Элиза Беннетт — Топа Айлабелла Браун
Элиза 2004 йилда “Шаҳзода ва мен” ўсмирлар учун мўлжалланган фильмда малика Арабелл образини гавдалантирган. Кейин у “Учрашувда” ва “Қора китоб” фильмларида қатнашди. Унинг ҳозирги роллари орасида таниқли образлари билан мақтана олмайди. Аммо кинематографияни забт этиш фикридан қайтганича йўқ.
Сэм Ҳонивуд — Себастьян Фрэнк Браун
Картина суратга олинган пайтда Сэм тўққиз ёшда бўлган. Ёш бўлишига қарамай, Сэмга Себастьян ролини ўйнаш ортиқча қийинчилик туғдирмаган. Афтидан унга кинода ишлаш унчалик ҳам ёқмаган. Ҳозирча у экранга қайтиш ҳақида ўйламаяпти.
Ҳолли Гиббс — Кристианна Ҳанна Браун
Ҳолли ўзининг роллари билан мақтана олмайди. 24 ёшли Ҳолли экранларда пайдо бўлса ҳам эпизодик ва кичик ролларни ўйнамоқда. Бироқ у учун ҳаммаси ҳали олдинда.
Изоҳ (0)